ઘરે જવાની લાયમાં 'ભૂલકાં ભુલાયાં'

વિદ્યાર્થીઓ વર્ગખંડમાં હોવા છતાંયે શિક્ષકો બેદરકારીમાં શાળાને તાળુ મારીને ચાલ્યા ગયાની અગાઉ બનેલ ઘટનાઓમાં આજે વધુ એકનો ઉમેરો થયો છે. જેમાં ખેડા તાલુકાના નવાગામ ખાતે આવેલ કન્યા શાળામાં ધો.૭ની વિદ્યાર્થીનીઓ ઉપરના માળે વર્ગખંડમાં હોવા છતાં મુખ્ય દરવાજાને તાળુ મારીને શિક્ષકો ઘરે જતા રહ્યા હતા. શાળા છૂટવાના સમયે મુખ્ય ગેટને તાળું જોતા વિદ્યાર્થીનીઓએ બૂમાબૂમ કરી મૂકતા આસપાસના સ્થાનિકો સહિત વાલીઓ દોડી આવ્યા હતા. શાળાની ચાવીઓ મંગાવીને તાળુ ખોલીને વિદ્યાર્થીનીઓને બહાર લાવવામાં આવી હતી. આ ઘટનાને ર૪ કલાકનો સમય વીતવા છતાંયે આ પ્રકારની બેદરકારી દાખવનાર શિક્ષકો સામે જિલ્લા પ્રાથમિક શિક્ષણાધિકારી દ્વારા કોઇ પગલાં લેવામાં ન આવ્યાનો રોષ વાલીઓએ વ્યકત કર્યો હતો. સાથોસાથ જણાવ્યું હતું કે, તપાસ ચાલી રહ્યાનું રટણ કરીને જિ.પ્રા.શિક્ષણાધિકારી સમગ્ર મામલાને દબાવી દેવાનો પ્રયાસ કરી રહ્યા છે. આથી જિલ્લા પંચાયત કે કલેકટર કચેરી દ્વારા આ મામલે દરમ્યાનગીરી કરવામાં આવે તેવી માંગ થવા પામી છે.

નવાગામમાં આવેલ કન્યા શાળામાં ધો.૧થી ૮ના વર્ગો ચાલે છે. શાળામાં ફરજ બજાવતા પ શિક્ષકો પૈકી આચાર્ય ઓડિટમાં અને અન્ય બે શિક્ષકો તાલીમમાં ગયા હતા. જયારે બે શિિક્ષકા શાળામાં હાજર હતી. શાળાના બીજા માળે આવેલ ધો.૭ના વર્ગમાં કુલ ૧૭ વિદ્યાર્થીનીઓ અભ્યાસ કરે છે. ગતરોજ સાંજે પ વાગ્યે શાળા બંધ કરવામાં આવી હતી.પરંતુ શાળામાંથી તમામ વિદ્યાર્થીઓ બહાર નીકળ્યા છે કે નહીં તેની નિયમોનુસારની તપાસ હાજર શિક્ષકો દ્વારા કરવામાં આવી નહતી. જેથી ધો.૭ની વિદ્યાર્થીનીઓ શૈક્ષણિક કાર્યમાં મશગુલ હતી અને શિિક્ષકાઓ શાળાના મુખ્ય દરવાજાને તાળું મારીને ઘરે જતા રહ્યા.

 ધો.૭ની વિદ્યાર્થીનીઓ  બૂમાબૂમ કરતા આસપાસના લોકો દોડી આવ્યા હતા. બીજી તરફ રોજના નિયત સમયે વિદ્યાર્થીની ઘરે ન આવી હોવાની ચિંતા કરતા વાલીઓએ શાળાને તાળું માર્યાની વાત ખબર પડતા દોડી આવ્યા હતા અનેશિક્ષકાઓની બેદરકારી મામલે હોબાળો મચાવ્યો હતો. તત્કાળ ચાવી મંગાવીને તાળુ ખોલવામાં આવ્યું હતું અને સમગ્ર મામલે તાલુકા પ્રા.શિ.ને જાણ કરવામાં આવી હતી. જો કે આ ગંભીર પ્રકારની ભૂલ સંદર્ભ તંત્ર દ્વારા જવાબદાર શિિક્ષકાઓ સામે હજી સુધી કોઇ કાર્યવાહી કરવામાં આવી નથી અને સમાધાન કરીને મામલો આટોપી લેવાનો પ્રયાસ થઇ રહ્યાનો રોષ વાલીઓએ વ્યકત કર્યો હતો.   ખેડા જિલ્લા પ્રા.શિ.એ જણાવ્યું હતું કે, ઘટના અંગેની અમને માહિતી મળી છે અને તાત્કાલિક ધોરણે સમગ્ર પ્રકરણની તપાસ તાલુકા પ્રાથમિક શિક્ષણાધિકારી અન્સારીને સોંપવામાં આવી છે. આ મામલે તેઓ પાસેથી રિપોર્ટ મંગાવાયો છે. જે આવ્યા બાદ ઘટના અંગે જવાબદાર શિક્ષકો સામે નિયમોનુસાર પગલાં ભરવામાં આવશે.