અભિનેતા નસીરુદ્દીન શાહનો એક જૂનો ઇન્ટરવ્યૂ સોશિયલ મીડિયા પર ફરી વાયરલ થઈ રહ્યો છે. આ ઇન્ટરવ્યૂમાં તેમણે બોલિવુડના &lsquo;કિંગ ખાન&rsquo; શાહરુખ ખાનને &lsquo;કંટાળાજનક એક્ટર&rsquo; કહીને સનસનાટી મચાવી હતી, જ્યારે અક્ષય કુમારની એક્ટિંગની ખુલ્લેઆમ પ્રશંસા કરી હતી.
આ ઇન્ટરવ્યૂમાં નસીરુદ્દીન શાહને પૂછવામાં આવ્યું હતું કે, &ldquo;શું તમને અક્ષય કુમાર અને શાહરુખ ખાન જેવા અભિનેતાઓનો અભિનય ગમે છે?&rdquo; તેમણે જવાબ આપ્યો:
<blockquote dir="auto">
&ldquo;ના, હું પોતે ફિલ્મો જોવાનો પ્રયાસ કરતો નથી. મેં ઘણા લોકો સાથે કામ કર્યું છે, પરંતુ કોઈએ મને બહુ પ્રભાવિત કર્યો નથી. પરંતુ અક્ષય કુમાર એક એવો અભિનેતા છે જેની હું ખરેખર પ્રશંસા કરું છું. તેણે કોઈ ગોડફાધર કે મદદ વિના પોતાની ઓળખ બનાવી છે. હવે તેની એક્ટિંગમાં નોંધપાત્ર સુધારો થયો છે. મેં ઘણા સમય પહેલા તેની સાથે કામ કર્યું હતું, અને તે એક સારો એક્ટર બની ગયો છે.&rdquo;
</blockquote>
જ્યારે ઇન્ટરવ્યૂઅરે કહ્યું કે &ldquo;શાહરુખ ખાને પણ ગોડફાધર વિના પોતાની ઓળખ બનાવી છે&rdquo;, ત્યારે નસીરુદ્દીન શાહે સીધો જવાબ આપ્યો:
<blockquote dir="auto">
&ldquo;હું આ સાથે સંમત છું, પરંતુ એક એક્ટર તરીકે તે કંટાળાજનક છે.&rdquo;
</blockquote>
આ નિવેદન બાદ સોશિયલ મીડિયા પર ચર્ચા શરૂ થઈ ગઈ છે. શાહરુખના ચાહકો નારાજ છે, જ્યારે કેટલાકે નસીરની સ્પષ્ટવક્તા વખાણી છે.
<h3 dir="auto">બંને સાથે કર્યું છે કામ</h3>
<ul dir="auto">
<li>અક્ષય કુમાર સાથે: &lsquo;મોહરા&rsquo; (1994)</li>
<li>શાહરુખ ખાન સાથે: &lsquo;કભી હાં કભી ના&rsquo;, &lsquo;ચમત્કાર&rsquo;, &lsquo;મૈં હું ના&rsquo;
<ul dir="auto">
<li>&lsquo;મૈં હું ના&rsquo;માં નસીરે બ્રિગેડિયર શેખર શર્માની ભૂમિકા ભજવી હતી, જ્યારે શાહરુખે તેમના પુત્ર મેજર રામ પ્રસાદ શર્માની ભૂમિકા નિભાવી હતી.</li>
</ul>
</li>
</ul>
આ ઇન્ટરવ્યૂ કેટલાક વર્ષો જૂનો હોવા છતાં, દિવાળીની ઉજવણી વચ્ચે શાહરુખના નામે ફરી ચર્ચામાં આવ્યો છે. નસીરુદ્દીન શાહ હંમેશા પોતાના મતને નિર્ભીક રીતે વ્યક્ત કરવા માટે જાણીતા છે.

શાહરુખને ‘કંટાળાજનક એક્ટર’ કહ્યો, અક્ષય કુમારની કરી પ્રશંસા

નસીરુદ્દીન શાહનો જૂનો વીડિયો વાયરલ થયો; એક્ટરે અક્ષય કુમારની એક્ટિંગના વખાણ કર્યા

October 24, 2025 | 12:27 IST