કિયારા-સિદ્ધાર્થના ઘરે લક્ષ્મીજીની પધરામણી!

બોલિવૂડના ક્યૂટ કપલ કિયારા અડવાણી અને સિદ્ધાર્થ મલ્હોત્રાના ઘરે પારણું બંધાયું છે. કિયારા અડવાણીએ મંગળવારે રાત્રે મુંબઈની એચ.એન. રિલાયન્સ હોસ્પિટલમાં એક પુત્રીને જન્મ આપ્યો છે. કિયારાને સોમવારે હોસ્પિટલમાં દાખલ કરવામાં આવી હતી, જ્યાં તેની નોર્મલ ડિલિવરી થઈ હતી.

 કિયારાની ડિલિવરી ઓગસ્ટમાં થવાની હતી, પરંતુ તે જુલાઈમાં વહેલી થઈ ગઈ છે. માતા કિયારા અડવાણી અને નવજાત પુત્રી બંને સ્વસ્થ છે. આ ગુડ ન્યૂઝ સાંભળીને ફેન્સ પુત્રીની પહેલી ઝલક જોવા માટે આતુરતાપૂર્વક રાહ જોઈ રહ્યા છે.

સિદ્ધાર્થ અને કિયારાએ બુધવારે સત્તાવાર રીતે આ ખુશખબરની જાહેરાત કરી હતી. એક હૃદયસ્પર્શી પોસ્ટ શેર કરતા આ દંપતીએ લખ્યું, "અમારું દિલ ખુશીથી ગદગદ થયું છે અને અમારી દુનિયા હંમેશા માટે બદલાઈ ગઈ છે. પુત્રીનો આશીર્વાદ મળ્યો છે."

ફિલ્મ 'શેરશાહ'માં સાથે કામ કરતી વખતે સિદ્ધાર્થ અને કિયારા એકબીજાને ડેટ કરવાનું શરૂ કર્યું હતું. તેમની લવ સ્ટોરીએ ઘણા ચાહકોના દિલ જીતી લીધા હતા. આ પ્રેમાળ યુગલે 7 ફેબ્રુઆરી 2023ના રોજ જેસલમેરના સૂર્યગઢ પેલેસમાં શાહી અંદાજમાં લગ્ન કર્યા હતા. હવે પુત્રીના આગમનથી તેમના પરિવારમાં વધુ ખુશીઓ છલકાઈ છે.

લગ્નના એક વર્ષ પછી, ફેબ્રુઆરી 2024માં, આ કપલે ખુશખબર શેર કરી હતી. આ કપલે એક તસવીર શેર કરતાં લખ્યું કે, અમારા જીવનની શ્રેષ્ઠ ભેટ ટૂંક સમયમાં આવી રહી છે.