આ તો કેવો ન્યાય..? બનાસકાંઠામાં 2 યુવકોને મળી તાલિબાની સજા

બનાસકાંઠા: બનાસકાંઠા જિલ્લામાં વધુ એક તાલિબાની સજા આપવાની ઘટના જોવા મળી હતી. જેમાં એક અઠવાડિયા અગાઉ આ સજાની ઘટના સામે આવી હતી. જેમાં દોરડા વડે ઝાડ સાથે બાંધી કેટલાક શખ્સોએ 2 યુવકોને તાલિબાની સજા આપી હતી.

વીડિયોમાં જોવા મળી રહ્યું છે કે, દોરડા વડે ઝાડ સાથે બાંધી કેટલાક શખ્સો 2 યુવકોને તાલિબાની સજા આપી રહ્યા છે. આ યુવકો યુવતીને ઉપાડી જવા માટે આવ્યા હોવાનો આરોપ લગાવી કેટલાક શખ્સો દ્વારા તેમને માર મારી માથામાંથી વાળ ઉતારી નાખ્યા હતા.

નોંધનીય છે કે, છેલ્લા એક જ અઠવાડિયામાં આ બીજી ઘટના બની છે. જેમાં તાલિબાની સજા આપવામાં આવી હોય. આ વીડિયો મોડી રાત્રે બન્યો હોય તેવું લાગી રહ્યું છે. જેમાં કેટલાક લોકો મારી રહ્યાં છે, જ્યારે કેટલાક લોકો સવાલો કરી રહ્યાં હોય તેવું વીડિયો જોતા લાગી રહ્યું છે.