ઉત્તર પ્રદેશ: ગાજિયાબાદની જિલ્લા કોર્ટ બની ઉગ્ર, વકીલો વચ્ચે ભારે હોબાળો

ઉત્તર પ્રદેશની ગાજિયાબાદની જિલ્લા કોર્ટમાં પોલીસ અને વકીલો વચ્ચે ભારે હોબાળો મચ્યો હતો. ભારે માઠથાકુટને પગલે પોલીસે લાઠી ચાર્જ કરવો પડ્યો હતો, બીજીતરફ ગુસ્સે ભરાયેલા લોકોએ પોલીસચોકી પણ સળગાવી  હોવાની માહિતી પણ સામે આવી છે.. મળતા અહેવાલો મુજબ કોર્ટની અંદર જ ન્યાયાધીશ અને વકીલો વચ્ચે ઉગ્ર બોલાચાલી અને પછી બબાલ શરૂ થઈ ગઈ હતી, જેના કારણે પોલીસે લાઠીચાર્જ કરવો પડ્યો હતો.   સુનાવણી દરમિયાન વકીલ નાયર સિંહ યાદવ અને તેમના વકીલ સાથીઓની ન્યાયાધીશ સાથે ઉગ્ર દલીલ થઈ, પછી જોતજોતામાં અંદરો અંદર ભારે બબાલ થતા અફરાતફરી મચી ગઈ હતી. આ દરમિયાન કોર્ટની અંદર જ ભારે ઘમાસાણ જોતા પોલીસે લાઠીચાર્જ કરવો પડ્યો હતો, જેના કારણે નહર સિંહ યાદવ અને તેમના એક વકીલને ઈજા થઈ છે. વિવાદ બાદ કચેરીનું કામકાજ ઠપ થઈ ગયું હતું. આ ઉપરાંત અનેક જિલ્લાની પોલીસને કોર્ટમાં તહેનાત કરી દેવામં આવ્યા છે. પોલીસે કોર્ટમાં ફસાયેલા ન્યાયાધીશને પણ સુરક્ષિત બહાર કાઢ્યા છે.   ગાજિયાબાદની જિલ્લા કોર્ટમાં એક વ્યક્તિના જામીન મામલે સુનાવણી ચાલી રહી હતી, જેમાં કેટલાક કારણોસર બોલાચાલી થઈ અને પછી મામલો ઉગ્ર બન્યા બાદ ન્યાયાધીશ અને વકીલો વચ્ચે ઉગ્ર દલીલો થવા લાગી. કોર્ટમાં શરમજનક ઘટના બન્યા બાદ ન્યાયાધીશે પોલીસ અને પીએસી બોલાવી છે. આ ઘટનાના કેટલાક વીડિયો પણ સોશિયલ મીડિયામાં વાયરલ થયા છે.