પોરબંદરમાં 13 વર્ષની બાળા પર શિક્ષકે આચર્યું દુષ્કર્મ

પોરબંદરના મંડેર ગામે સરકારી શાળાના શિક્ષકે વિદ્યાર્થીની પર દુષ્કર્મ આચર્યું હતું. જે મામલે માધવપુર પોલીસ સ્ટેશનમાં પોકસો એક્ટ હેઠળ ગુનો નોંધવામાં આવ્યો છે. દુષ્કર્મ બાદ વિદ્યાર્થીનીએ પરિવારને જાણ કરતાં મામલો સામે આવ્યો છે. માહિતી પ્રમાણે ગોહેલ વિપુલ નામના શિક્ષકે માસુમ બાળકી પર દુષ્કર્મ આચર્યું હતું. શિક્ષણ જગતને શરમજનક  ઘટના બનતા  ચકચાર મચી ગઈ છે. 

 મંડેર ગામે સરકારી શાળામાં ફરજ બજાવતાં વિપુલ ગોહેલ નામના શિક્ષકે વિદ્યાર્થીનીને અડપલા કર્યા હોવાની જાણ પરિવારને કરતાં સમગ્ર મામલો માધવપુર પોલીસ મથકે પહોંચ્યો હતો. જે બાદ શિક્ષકને પોલીસ સ્ટેશનમાં બોલાવવામાં આવ્યો હતો. જ્યાં માધવપુર પોલીસે આ મામલે વધુ તપાસ શરુ કરી છે. 

શાળાના શિક્ષક દ્વારા વિદ્યાર્થીની પર દુષ્કર્મ બનાવને લઇને શિક્ષણ જગતમાં ચકચાર મચી જવા પામી છે. આ પોલીસનું કહેવું છે કે, ફરિયાદ બાદ વધુ માહિતી બહાર આવશે તેવી ભીતિ વર્તાઈ રહી છે. મંડેર ગામની શાળામાં વિદ્યાર્થિની સાથે શારીરિક અડપલા કર્યાની વાત બહાર આવતા માધવપુર પોલીસે શિક્ષક સામે ગુનો નોંધી વધુ તપાસ શરુ કરવામાં આવી છે.