સુરત હીરા બજારમાં કરોડોનું ઉઠમણું, એક ઝડપાયો, મુખ્ય સૂત્રધાર હજુ ફરાર!

સુરતના ખ્યાતનામ હીરા બજારમાં ₹8.80 કરોડના ભયાવહ ઉઠમણા કેસમાં આખરે પોલીસે એક આરોપીને ઝડપી પાડ્યો છે. ઈકો સેલ પોલીસે જીતેન્દ્ર કાસોદરીયાની ધરપકડ કરીને આર્થિક ગુનાખોરી સામે કડક કાર્યવાહીનો સંકેત આપ્યો છે.

21 પેઢીઓ સાથે લાખોની ઠગાઈ...

જીતેન્દ્ર કાસોદરીયા પર 21 જેટલી હીરા પેઢીઓ સાથે લાખો રૂપિયાની ઠગાઈ કરવાનો આરોપ છે. આ ઘટનાએ હીરા ઉદ્યોગમાં વેપારીઓના વિશ્વાસને મોટો ફટકો પહોંચાડ્યો છે. આટલી મોટી સંખ્યામાં પેઢીઓ સાથે ઠગાઈ થવી એ દર્શાવે છે કે આ સુનિયોજિત કૌભાંડ હતું, જેમાં વેપારીઓના વિશ્વાસનો ભયાવહ રીતે દુરુપયોગ કરવામાં આવ્યો હતો.

આ પણ વાંચો : ગુજરાતમાં ચોમાસાની ધમાકેદાર શરૂઆત, અમદાવાદ-સુરતમાં 'વિકાસ'ના દાવાઓનો પર્દાફાશ!

મુખ્ય સૂત્રધાર રોનક ધોળીયા હજુ પોલીસની પકડથી દૂર...

આ કેસમાં સૌથી ચિંતાજનક બાબત એ છે કે, મુખ્ય સૂત્રધાર રોનક ધોળીયા હજુ પણ પોલીસની પકડથી દૂર છે. રોનક ધોળીયાની ધરપકડ ન થાય ત્યાં સુધી આ ઉઠમણા પાછળના સંપૂર્ણ ષડયંત્રનો પર્દાફાશ થઈ શકશે નહીં. પોલીસ દ્વારા જીતેન્દ્ર કાસોદરીયાની વધુ તપાસ અને રોનક ધોળીયાની સઘન શોધખોળ ચાલુ છે. હીરા બજારના વેપારીઓ અને સામાન્ય જનતાની નજર હવે પોલીસની કામગીરી પર મંડાયેલી છે. શું પોલીસ ટૂંક સમયમાં રોનક ધોળીયાને ઝડપી પાડીને પીડિતોને ન્યાય અપાવશે?

આ પણ વાંચો : Ahmedabad: રથયાત્રાના હાથીઓનું હેલ્થ ચેકઅપ,પશુપાલન વિભાગ દ્વારા સઘન ચેકિંગ!