Ahmedabad: રથયાત્રાના હાથીઓનું હેલ્થ ચેકઅપ,પશુપાલન વિભાગ દ્વારા સઘન ચેકિંગ!

અમદાવાદમાં ભગવાન જગન્નાથજીની 148મી રથયાત્રા માટે રંગેચંગે તૈયારીઓ થઈ રહી છે.શણગારેલા હાથીઓ રથયાત્રાનું અનેરું આકર્ષણ રહ્યા છે.આ વર્ષે 17 જેટલા હાથીઓ રથયાત્રામાં જોડાનાર છે.આ હાથીઓની શારીરિક-માનસિક હેલ્થની અમદાવાદ જિલ્લાના પશુપાલન વિભાગ દ્વારા સારવાર લેવામાં આવી રહી છે.

અમદાવાદ જિલ્લાના નાયબ પશુપાલન નિયામક સહિત તેમની ટિમ દ્વારા હાથીઓના શારીરિક-માનસિક આરોગ્યનું સતત મોનિટરિંગ ચાલી રહ્યું છે.તમામ હાથીઓનું હેલ્થ ચેકઅપ કરવામાં આવે છે અને તેમને હેલ્થ સર્ટિફિકેટ પણ ઇશ્યૂ કરવામાં આવે છે.વેટરનરીની ટીમ દ્વારા તેમને કોઈ માખી કે ઇતરડી જેવા જંતુઓ પજવતા હોય તો તેને દૂર કરવામાં આવે છે તથા નાની-મોટી બીમારી હોય તો તેનું નિદાન કરીને સારવાર કરવામાં આવે છે.

આમ,હાથીની હેલ્થ જળવાઈ રહે,એ માટે પુરતા પ્રયાસો કરવામાં આવે છે.એટલુ જ નહીં રથયાત્રા સુધી સતત ત્રણ દિવસ હાથીના શારીરિક-માનસિક હેલ્થનું મોનિટરિંગ કરવામાં આવશે સાથે જ રથયાત્રાના દિવસે  પણ વનવિભાગની એક ટીમ તથા પશુપાલન વનવિભાગના ડોક્ટરની એક ટીમ હાથીઓની સાથે જ રહેશે,જેથી હાથીને કોઈ તકલીફ પડે,એ ઉપરાંત તેમની અકળામણ કે ગુસ્સાને કારણે કોઈ અનિચ્છનીય બનાવ ન બને તે માટે તકેદારી રાખવામાં આવતી હોય છે.કોઈ સંજોગોમાં હાથી માનસિક સંતુલન કે મિજાજ ગુમાવે તો તેને કાબૂમાં લેવા માટે વન વિભાગના કર્મીઓ ડાર્ટ ગન પણ સાથે રાખતા હોય છે.