નવી દિલ્હી: અમેરિકામાં ભારતને મોટી સફળતા મળી છે. 26/11 મુંબઈ હુમલાના આરોપી તહવ્વુર રાણાને ભારત લાવવાનો માર્ગ હવે સરળ બની ગયો છે. અમેરિકાની કોર્ટે તહવ્વુર રાણાના પ્રત્યાર્પણ માટે લીલી ઝંડી આપી છે. આ બાબત નોંધનીય છે કે, ઓગસ્ટ 2024માં યૂએસ કોર્ટે ભારત-યુએસ પ્રત્યાર્પણ સંધિ હેઠળ રાણાને ભારત મોકલવાની મંજૂરી આપી હતી. હવે ભારત તેની પરત ફરવાની પ્રક્રિયા ઝડપથી આગળ વધારી રહ્યું છે.
તહવ્વુર રાણા પર 26/11ના હુમલાના માસ્ટરમાઇન્ડ ડેવિડ કોલમેન હેડલીને મદદ કરવાનો આરોપ છે. હેડલીએ મુંબઈમાં વિવિધ સ્થળો પર સર્વે કર્યું હતું. આ પહેલા, ભારતે અમેરિકી કોર્ટમાં મજબૂત પુરાવા રજૂ કર્યા હતા, જેમાં રાણાની સંડોવણી સ્પષ્ટ રીતે જોવા મળી હતી. કોર્ટે સ્પષ્ટ કર્યું હતું કે, ભારતમાં રાણા સામેના આરોપો અને અમેરિકી કોર્ટમાં ચાલતા કેસના આરોપો અલગ છે. બંને દેશો વચ્ચે થયેલા કરારના આધારે, રાણાને ભારત પ્રત્યાર્પણ કરવાનું યોગ્ય ગણાયું.
2009માં FBI એ શિકાગોમાં તહવ્વુર રાણાની ધરપકડ કરી હતી. તે પાકિસ્તાની ISI અને લશ્કર-એ-તૈયબાના ઓપરેટિવ તરીકે કામ કરતો હોવાનું કહેવાય છે. હવે તેને ભારત લાવવાની તૈયારીઓ ઝડપથી શરૂ થઇ છે. કોર્ટે તહવ્વુર રાણાને આતંકવાદી સંગઠનોની મદદ કરવાનો અને ડેનમાર્કમાં એક નિષ્ફળ આતંકવાદી હુમલાનો પ્રયાસ કરવા માટે દોષી ઠેરવ્યો હતો. જો કે, કોર્ટે મુંબઈ હુમલાના આરોપોને અવગણતા કહ્યું હતું કે, તે કાવતરામાં સામેલ હતો અને તેને ભારતને પ્રત્યાર્પણ કરવું જોઈએ.
તહવ્વુર રાણા કોણ છે? તહવ્વુર રાણા પાકિસ્તાનમાં જન્મ્યો હતો. તેણે આર્મી મેડિકલ કોલેજમાં અભ્યાસ કર્યો અને પાકિસ્તાની આર્મી દ્વારા 10 વર્ષ સુધી ડોક્ટર તરીકે કામ કર્યું. પરંતુ તહવ્વુર રાણાને આ કામ ગમ્યું નહિ અને તેણે નોકરી છોડી દીધી. હવે, તહવ્વુર રાણા કેનેડાનો નાગરિક છે, પરંતુ તે શિકાગોનો રહેવાસી હતો અને ત્યાં એનો વ્યવસાય હતો. કોર્ટે આપેલા દસ્તાવેજો મુજબ, તેણે કેનેડા, પાકિસ્તાન, જર્મની અને ઇંગ્લેન્ડમાં મુસાફરી કરી છે અને તે લગભગ 7 ભાષાઓ બોલી શકે છે.
કોર્ટના દસ્તાવેજો મુજબ, 2006થી નવેમ્બર 2008 સુધી, તહવ્વુર રાણાએ ડેવિડ હેડલી અને અન્ય સાથે મળીને પાકિસ્તાનમાં કાવતરું તૈયાર કર્યું હતું. આ સમયે, તેણે લશ્કર-એ-તૈયબા અને હરકત ઉલ જેહાદ-એ-ઈસ્લામીએ મદદ કરી અને મુંબઈ આતંકવાદી હુમલાની યોજના બનાવી અને તેને અમલમાં લાવવામાં મદદ કરી. આ કેસમાં હેડલી સરકારનો સાક્ષી બન્યો છે.

26/11 ના આરોપી આતંકી તહવ્વુર રાણાને ભારત લાવવાનો રસ્તો સાફ

તહવ્વુર રાણા પર 26/11ના હુમલાના માસ્ટરમાઇન્ડ ડેવિડ કોલમેન હેડલીને મદદ કરવાનો આરોપ

January 1, 2025 | 16:19 IST