સુરતમાં મંગેતરનું ગળું કાપી યુવક ફરાર

સુરતમાં ગ્રીષ્મા હત્યા કાંડને યાદ અપાવે તેવો ફરી એક વાર ચોંકાવનારો કિસ્સો બન્યો છે. સુરતના વરાછા વિસ્તારમાં 25 વર્ષીય યુતીની તેના મંગેતરે જ ગળુ કાપી નાખી હત્યા કરી છે. મંગેતર પ્રત્યે રાખેલી આશંકાના આધારે યુવકે તેની હત્યા કરી હોવાનું જાણવા મળે છે.  ઘટનાની જાણ થતાં પોલીસ સ્થળ પર પહોંચી છે અને હત્યારાને શોધવાની કાર્યવાહી શરુ કરી છે. 

મળતી માહિતી પ્રમાણે સુરતના વરાછા વિસ્તારમાં હરિધામ સોસાયટીમાં રહેતી 25 વર્ષીય યુવતીની દર્દનાક હત્યા કરી દેવાઇ છે. યુવતીની જે યુવક સાથે સગાઇ થઇ હતી તે જ યુવકે તેના ગળાના ભાગે ચાકૂના ઘા મારીને હત્યા કરી હતી. મંગેતરની હત્યા કરીને યુવક ફરાર થઇ ગયો છે. હત્યાનું કારણ અત્યારે જાણવા મળ્યું નથી પણ  પોલીસે સ્થળ પર પહોંચી તપાસ શરુ કરી છે.

પોલીસના ઉચ્ચ અધિકારીઓ પણ ઘટના સ્થળે પહોંચ્યા છે. પોલીસે સીસી ટીવી કેમેરા ચેક કરતા એક ફૂટેજમાં હત્યા કરીને હત્યારો યુવક ફરાર થતો હોય તેવું જોવા મળ્યું છે જેથી તેના આધારે પોલીસે તપાસ શરુ કરી છે.