સુરતમાં દિકરો બન્યો બેરહેમ...પરિવારને જ માર્યા ચાકૂના ઘા

સુરતમાં સરથાણા વિસ્તારમાં શુક્રવારે સવારે ચોંકાવાનારો બનાવ બન્યો છે. સુરતના સરથાણા વિસ્તારમાં સ્મિત જીયાણી નામના શખ્સે ઉશ્કેરાઇ જઇને પોતાના માતા પિતા અને પત્ની તથા બાળકને ચાકૂના ઘા માર્યા હતાઅને ત્યાર બાદ પોતાને જ ગળાના ભાગે ચાકૂ મારીને આત્મહત્યાનો પ્રયાસ કર્યો હતો. બનાવની જાણ થતાં પોલીસ ઘટના સ્થળે પહોંચી છે અને ઘાયલોને સારવારમાટે હોસ્પિટલમાં ખસેડ્યા છે. મળેલી માહિતી મજબ આ ઘટનામાં યુવકની પત્ની અને બાળકનું મોત થયું છે જ્યારે યુવક અને તેા માતા પિતાની સારવાર ચાલી રહી છે.

પોલીસને પ્રાથમિક પૂછપરછમાં જાણવા મળ્યું છે કે પરિવારમાં આંતરિક કલહ થવાના કારણે આ બનાવ બન્યો છે. અંદરો અંદર કલહ અને મન દુખ થયેલું હોવાથી પરિવારમાં અશાંતિ હતી અને  જેના કારણે ઉશ્કેરાયેલા સ્મિતે આ ઘટનાને અંજામ આપ્યો છે. જીયાણી પરિવાર મુળ સાવરકુંડલાનો હોવાનું જાણવા મળે છે.