ઈ-કોમર્સ વેબસાઈટ હેક કરી વેપારીઓ સાથે છેતરપિંડી કરતી ટોળકી ઝડપાઈ

સિક્યોરિટી ટેસ્ટીંગ સોફ્ટરથી ઈ-કોમર્સ વેબસાઈટ હેક કરી નજીવા ભાવે પ્રોડક્ટ ખરીદી બનાવટી એડ્રેસ ઉપર પ્રોડક્ટ મેળવીને વેપારીઓ સાથે ઠગાઈ કરતી ટોળકીના 3 શખ્સોને અમદાવાદ ક્રાઈમ બ્રાન્ચે ઝડપી લીધા છે. અમદાવાદના 3 શખ્સો પાસેથી રૂપિયા 3.31 લાખનો મુદ્દામાલ કબજે લઈ વધુ પૂછપરછ હાથ ધરી છે.

અમદાવાદ ક્રાઈમ બ્રાન્ચે તાજેતરમાં ઓનલાઈન કસીનો સટ્ટા બેટિંગની અલગ અલગ વેબસાઇટોના ક્લાયન્સ આઇ.ડી. મેળવી મોબાઇલ અને લેપટોપમાં ઓનલાઈન કસીનો સટ્ટાનો હારજીતનો જગાર રમતા 3 શખ્સોને પકડ્યા હતા. વિજય વાઘેલા અને નીતેશ મડતા બંને રહે. બાપુનગર તેમજ આદિલ પરમાર રહે. રખિયાલવાળાની ધરપકડ કરી હતી. ત્રણેય શખ્સો પાસેથી મોબાઈલ, લેપટોપ, વાઈફાઈ રાઉટર, સોનાની ખરીદીના જ્વેલર્સના બીલ સહિત રૂપિયા 3.31 લાખનો મુદ્દામાલ જપ્ત કર્યો છે.

સર્ચ એન્જિન પર ઈ-કોમર્સ વેબસાઈટ તેમજ કસીનો બેટીંગ વેબસાઈટ સર્ચ કરી તે વેબસાઈટમાં સર્ચ એન્જિન પર મેળવેલા ક્રેડિટ તેમજ ડેબિટ કાર્ડ નંબર મેળવીને માહિતીના આધારે વેબસાઇટ પરથી શરૂઆતમાં ચોક્કસ પેમેન્ટ ગેટ વે પરથી પ્રોડક્ટ ખરીદ પેટે ટ્રાન્ઝેક્શન કરી વેબસાઇટ સ્ક્રીપ્ટથી માહિતી મેળવી ડી-બગીંગ સોફટવેરના માધ્યમથી વેબસાઇટ સાથે છેડછાડ કરી મૂળ રકમ કરતાં નજીવી રકમને  પેમેન્ટ ગેટવેમાં એન્ટર કરી ખોટા સરનામે ઓર્ડર લેસ કરી પ્રોડક્ટ મેળવી આરોપીઓ વેપારી કંપની સાથે છેતરપિંડી કરવાની મોડેસ ઓપરેન્ડી અપનાવતા હતા. આરોપીઓએ અલગ અલગ વેપારીએ સાથે રૂપિયા 7 કરોડની છેતરપિંડી કરી હોવાની કબૂલાત કરતાં ક્રાઈમ બ્રાન્ચે વધુ પૂછપરછ હાથ ધરી છે.