ગુજરાતના સુરેન્દ્રનગર જિલ્લાના નાગવાડા ગામની 19 વર્ષીય વિદ્યાર્થિની ઉર્વશી મહેસાણા-વિસનગર હાઇવે પર બાસણા નજીક આઇ મર્ચન્ટ કોલેજની હોમિયોપેથી મેડિકલ કોલેજની હોસ્ટેલમાં રહીને અભ્યાસ કરતી હતી. ગુરુવારે, પ્રોફેસરોના ત્રાસથી કંટાળીને, તેણે તેના હોસ્ટેલ રૂમમાં આત્મહત્યા કરી લીધી. વિદ્યાર્થીના પિતાએ ચાર પ્રોફેસરો અને પ્રિન્સિપાલ વિરુદ્ધ ફરિયાદ નોંધાવી છે.
મૂળ સુરેન્દ્રનગર જિલ્લાના નાગવાડા ગામની રહેવાસી, ઉર્વશી હોમિયોપેથી કોલેજમાં BHMS ના પ્રથમ વર્ષની વિદ્યાર્થીની હતી. તે કોલેજ હોસ્ટેલમાં રહીને અભ્યાસ કરતી હતી. મળતી માહિતી મુજબ, અભ્યાસ દરમિયાન પ્રોફેસર દ્વારા કરવામાં આવતી હેરાનગતિને કારણે, તેણે પોતાના રૂમમાં પંખા સાથે લટકીને આત્મહત્યા કરી લીધી, જેનાથી ચકચાર મચી ગઈ. દીકરીના મૃત્યુના સમાચાર સાંભળીને, સારેન્દ્રનગરનો પરિવાર મહેસાણા સિવિલ હોસ્પિટલ દોડી ગયો, જ્યાં દીકરીને મૃત જોઈને આખો પરિવાર શોકમાં ડૂબી ગયો.
આ ઘટના બાદ વિદ્યાર્થીના પિતાએ પોલીસ સ્ટેશનમાં ચાર પ્રોફેસરો વિરુદ્ધ ફરિયાદ નોંધાવી હતી. પિતાએ પોતાની ફરિયાદમાં જણાવ્યું હતું કે ઉર્વશીએ તેમને કહ્યું હતું કે સુરેશરાવ નામના પ્રોફેસર તેને જોરથી ધમકાવતા હતા, પરીક્ષામાં નાપાસ કરવાની ધમકી આપતા હતા. પ્રોફેસર પ્રશાંત તેમને ત્રણ વાર એક જ વાત લખવાનું કહેતા અને ૨-૩ કલાક ઊભા રહેવાનું કહેતા. પ્રોફેસર બોઝ તેમના વિશે અશ્લીલ ટિપ્પણીઓ કરતા હતા. જ્યારે તેમણે આ અંગે પ્રિન્સિપાલ પાટીલને ફરિયાદ કરી ત્યારે તેમણે કહ્યું કે જો તમારે ભણવું હોય તો આ બધું સહન કરતા શીખો.
છોકરીના પિતાએ કહ્યું કે પ્રિન્સિપાલે પ્રોફેસરોનો પક્ષ લીધો હોવાથી, વિદ્યાર્થીનીને ન્યાય ન મળ્યો અને તેણે આત્મહત્યા કરી. મહેસાણાના ડેપ્યુટી એસપી મિલાપ પટેલે જણાવ્યું હતું કે ઉર્વશીના પિતાએ ફરિયાદ નોંધાવી હતી કે ચાર પ્રોફેસરો અને કોલેજના પ્રિન્સિપાલે તેમણે માનસિક અને શારીરિક ત્રાસ આપવામાં આવ્યો. આ આધારે પોલીસે ત્રણ પ્રોફેસરો અને પ્રિન્સિપાલની અટકાયત કરી છે અને તેમની પૂછપરછ શરૂ કરી છે.

પ્રોફેસરોના ત્રાસથી કંટાળીને હોમિયોપેથીની વિદ્યાર્થિની એ આત્મહત્યા કરી  

ગુજરાતના સુરેન્દ્રનગરમાં, 19 વર્ષીય હોમિયોપેથીની વિદ્યાર્થિનીએ તેના હોસ્ટેલ રૂમમાં ફાંસી લગાવીને આત્મહત્યા કરી. પોલીસે ત્રણ પ્રોફેસરો અને પ્રિન્સિપાલની અટકાયત કરી 

January 31, 2025 | 15:26 IST