અંકલેશ્વર પાસે મૌલવી દ્વારા દુષ્કર્મનો કેસ

અંકલેશ્વર અને સુરત જિલ્લાના સરહદી વિસ્તારમાં આવેલી એક વસાહતમાં કાયદો અને સુરક્ષાને હચમચાવી દેનારી ઘટના સામે આવી છે. મદ્રેસામાં કાર્યરત એક મૌલવીએ લગ્નનું લાલચ આપીને મહિલાને સુગંધી પાણી પીવડાવી બેભાન કરી દુષ્કર્મ આચર્યું હોવાનો ગંભીર આરોપ છે. પાનોલી પોલીસે તરત જ કાર્યવાહી કરતાં મૌલવીને ઝડપી લીધો છે.

લાલચ આપીને મદ્રેસામાં બોલાવ્યું : 

માહિતી મુજબ, મહિલાનો પરિચય તેની બહેનપણી મારફતે મદ્રેસાના મૌલવી અજવદ બેમાત ઉંમર 52 સાથે થયો હતો. પરિચય બાદ મૌલવીએ મહિલાને સતત કોલ અને મેસેજ કરીને લગ્નની લાલચ આપી હતી. 9 નવેમ્બરના રોજ તેણે મહિલાને મદ્રેસામાં આવેલા પોતાના રેસીડેન્સ પર બોલાવી હતી, જ્યાં તેને સુગંધી પાણી પીવડાવવામાં આવ્યું હતું. તે બાદ અર્ધબેભાન હાલતમાં બે વાર દુષ્કર્મ કરવામાં આવ્યું.

ધર્માંતરણ નહીં કરાય તો ધમકી : 

મહિલા ભાનમાં આવતા મૌલવીએ ધર્માંતરણ કરવાની જબરદસ્તી કરી હતી અને ઈન્કાર કરવાથી બદનામ કરવાની તેમજ બાળકોને જાનથી મારી નાખવાની ધમકી આપી હતી. મહિલાએ હિંમતપૂર્વક પાનોલી પોલીસ સ્ટેશનમાં ફરિયાદ નોંધાવી.

કેનેડાનો સિટિઝન હોવાનું બહાર આવ્યું : 

પોલીસ તપાસ દરમ્યાન ખુલ્યું કે આરોપી મૌલવી અજવદ બેમાતના કેનેડાનો નાગરિક છે. આથી પોલીસે તપાસનો વ્યાપ વધારી અન્ય કોઈ મહિલાઓને નિશાન બનાવવામાં આવી હોય તેની પણ છાનબીન શરૂ કરી છે.

10 દિવસનો રિમાન્ડ મંજૂર : 

ભરૂચ જિલ્લા પોલીસવડા અક્ષયરાજ મકવાણાએ જણાવ્યું કે ગુનામાં મદ્રેસાના મૌલવીની ધરપકડ કરવામાં આવી છે અને 10 દિવસના રિમાન્ડ મંજૂર થયા છે. આરોપી વિદેશ પ્રવાસ અને અન્ય સંડોવણી અંગે પણ તપાસ ચાલી રહી છે.પોલીસ સમગ્ર પ્રકરણની ઊંડાણપૂર્વક તપાસ કરી રહી છે અને પ્રાથમિક તબક્કે અનેક મહત્વપૂર્ણ તથ્યો બહાર આવી રહ્યા છે.