નિકીતા મેરી...શું બ્રેકઅપના ગુસ્સામાં વડોદરામાં યુવકે નિર્દોષ લોકોનો ભોગ લીધો ?

વડોદરામાં કારેલીબાગ વિસ્તારમાં આમ્રપાલી કોમ્પલેક્ષ પાસે નશામાં ધૂત કાર ચાલક યુવકે 8 લોકોને અડફેટે લઇ લેતાં 1 મહિલાનું સ્થળ પર જ મોત થયું હતું જ્યારે અન્ય સાતને ઇજા થતા તેમને સારવાર માટે હોસ્પિટલમાં ખસેડાયા છે. ઇજાગ્રસ્તોમાંથી 2 વ્યક્તિની હાલત ગંભીર હોવાનું જાણવા મળે છે. પોલીસે આ ઘટનાને પગલે કાર ચાલક રક્ષિત રવિશ ચૌરસીયાની તથા કારમાં સવાર અન્ય એક શખ્સ મીત ચૌહાણની ધરપકડ કરી છે. 

આ અકસ્માતના જે વીડિયો વાયરલ થયા  છે અને સીસી ટીવી વાયરલ થયા છે તે ભયાનક છે. કોઇ પણ વ્યક્તિ દ્રવી ઉઠે તેવો આ બનાવ હોળીની સમી સાંજે બન્યો હતો. એક વીડિયોમાં તો રક્ષિત બુમો પાડતો જોવા મળે છે. રક્ષિત વીડિયોમાં જોર જોરથી બુમ  પાડતો સાંભળવા મળે છે કે અનધર રાઉન્ડ...અનધર રાઉન્ડ...નિકીતા મેરી...ઓમ નમ શિવાય....નશામાં રહેલો આ યુવક શું બોલે છે તેને તેનું ભાન ન હતું અને વીડિયોમાં જોતાં તેણે ચિક્કાર દારુ પીધો હોવાનું સ્પષ્ટપણે જણાઇ આવે છે ત્યારે વીડિયોમાં જે રીતે યુવક બુમો પાડે છે તે જોતાં તેનું બ્રેકઅપ થયું હોય અને તેના ગુસ્સામાં તેણે ચિકાર દારુ પી ને બેફામ કાર ચલાવી હોય તેવું લાગી રહ્યું છે. દારુના નશામાં આ યુવકે નિર્દોષ લોકોના ભોગ લીધા છે. લોકોએ તો સ્થળ પર તેની હરકતો જોતાં મેથીપાક ચખાડી જ દીધો હતો અને ત્યારબાદ પોલીસને હવાલે કર્યો હતો.

મળેલી માહિતી મુજબ મૃતક હેમાલીબેન પટેલ ધુળેટી માટે કલર લેવા નીકળ્યા હતા. આ દરમિયાન અકસ્માત થયો હતો. આ ઉપરાંત હોસ્પિટલમાં 12 વર્ષના જૈની, 35 વર્ષના નિશાબેન, 10 વર્ષની અજાણી બાળકી તેમજ અજાણ્યા 40 વર્ષના વ્યક્તિને સારવાર આપવામાં આવી રહી છે. ઘટનાની જાણ થતાં હજારો લોકો અકસ્માત સ્થળે ઉમટી પડ્યા હતા અને કારચાલક સામે ઉગ્ર આક્રોષ જોવા મળ્યો હતો. આ નબીરાને કડક સજા થાય તેની માગ લોકોએ કરી હતી.  

રક્ષિતવારાણસીનો વતની છે અને હાલમાં વડોદરાના ભાયલી વિસ્તારમાં રહે છે. તે એમએસ યુનિવર્સિટીમાં કાયદાનો વિદ્યાર્થી છે.

 

 

 

ઘટના સમયે આરોપી રક્ષિત શરાબ કે ડ્રગ્સના નશામાં હોવાનું જણાતું હતું અને તે ભાનમાં નહોતો. અકસ્માત બાદ જ્યારે તે કારમાંથી બહારઆવ્યો, ત્યારે સ્થાનિક લોકોએ તેનો પીછો કરીને તેને માર માર્યો હતો. ડ્રાઇવિંગ સીટની બાજુમાં બેઠેલો અન્ય યુવક અકસ્માત બાદ કારમાંથીભાગી ગયો હતો.

અકસ્માત સર્જનાર કાર વોક્સવેગન વર્ટસ જીટી પ્લસ (કાળા રંગની) છે, જેનો રજિસ્ટ્રેશન નંબર GJ06RA6879 છે. આ કાર ડેઓનટેક્નોલોજી પ્રાઇવેટ લિમિટેડની માલિકીની છે, જેના ડિરેક્ટર્સ પ્રશાંત બહેતી, વિક્રમ જૈન અને જિગ્નેશ દોશી છે.

ડેપ્યુટી કમિશનર ઓફ પોલીસ પન્ના મોમાયાએ જણાવ્યું કે,"એક તેજ ગતિવાળી કાર સંગમથી મુક્તાનંદ રોડ પર બે વ્યક્તિઓ સાથે આવીરહી હતી. રક્ષિત રવીશ ચૌરસિયા ડ્રાઇવિંગ સીટ પર હતો. તે વારાણસીનો છે અને એમએસયુમાં કાયદાનો વિદ્યાર્થી છે. કારમાં રહેલી અન્યવ્યક્તિ મિત પ્રાંશુ ચૌહાણ હતો, જે ભાયલીનો રહેવાસી છે. તે ડ્રાઇવિંગ સીટની બાજુમાં બેઠો હતો. પોલીસ તેની શોધમાં છે. મિત પારુલયુનિવર્સિટીનો વિદ્યાર્થી છે."

વડોદરા શહેરના ભારતીય જનતા પાર્ટી (BJP) એકમે આ ઘટનાને કારણે શુક્રવારે ધૂળેટીના તહેવાર નિમિત્તે યોજવામાં આવનાર રંગ ઉત્સવકાર્યક્રમ રદ કર્યો છે. શહેર BJPના અધ્યક્ષ ડૉ. જયપ્રકાશ સોનીએ એક ટ્વીટમાં જણાવ્યું કે કારેલીબાગ વિસ્તારમાં થયેલા અકસ્માતની ઘટનાનેધ્યાનમાં રાખીને વડોદરા શહેર BJPનો કાર્યક્રમ રદ કરવામાં આવ્યો છે.