અમદાવાદમાં પાંચ-સાત નબીરાઓની જાહેરમા દારુની મહેફિલ

અમદાવાદમાં લોકો કાયદો અને વ્યવસ્થાનો ડર ભૂલીને માહોલ બનાવી રહ્યા છે. શહેરના પોશ વિસ્તારમાં આવેલા ઇસ્કોન પોલીસ ચોકી નજીક 5થી 7 નબીરાઓ દારૂ પીતા અને મ્યુઝિક પર ઝૂમી રહ્યા હોવાનો વીડિયો વાઇરલ થયો છે. વીડિયો ચકાસવા પર, પોલીસે વીડિયોમાં દર્શાવાતા લોકોની ઓળખ કરી છે અને એક જણાને અટકાયત કરી છે, જયારે બાકીના નબીરાઓને ઝડપવા માટે કાર્યવાહી શરૂ કરી દીધી છે.

ઇસ્કોન પોલીસ ચોકી સામે જ દારૂની મહેફિલ  
ઇસ્કોન બ્રિજ પાસે આવેલી ઇસ્કોન પોલીસ ચોકી નજીકના એક કોમ્પ્લેક્સમાં, મોડી રાત્રે 5થી 7 નબીરાઓ દારૂ પીતા અને મ્યુઝિકના તાલે ઝૂમી રહ્યા હતા. આ પૃષ્ઠભૂમિમાં, ફોટો અને વીડિયો સક્રિય રીતે વાયરલ થયા છે. તેમ છતાં, નજીકમાં જ પોલીસ સ્ટેશન અને પોલીસ ચોકી હોવા છતાં, નબીરાઓ કાયદાનું ભાન ગુમાવને જાહેરમાં દારૂ પી રહ્યા હતા.

પોલીસના રાતભર પેટ્રોલિંગ પર પ્રશ્નચિહ્ન  
શહેરના સિંધુભવન અને એસ.જી. હાઈવે પર પોલીસ દ્વારા રાતભર ચેકિંગ કરવાની દાવાની સામે, ઇસ્કોન વિસ્તારમાં આ દારૂની મહેફિલે પેટ્રોલિંગ પર સવાલો ઊભા કરી દીધા છે.

"ગુનો નોંધીને ધરપકડ કરવામાં આવશે" - JCP, નીરજ બડગુજર  
આ સંદર્ભે સેક્ટર-1 JCP, નીરજ બડગુજરે જણાવ્યું કે, "વીડિયો સામે આવતા પોલીસે વીડિયોમાં દેખાતા લોકોને ઓળખી તપાસ શરૂ કરી છે. ગુનો નોંધીને તમામની ધરપકડ કરવામાં આવશે."

હાલ પોલીસ દ્વારા વીડિયોમાં દેખાતા લોકોમાંથી અમિત ડાભી નામના એક વ્યક્તિની ધરપકડ કરવામાં આવી છે. જ્યારે અનેય ત્રણથી ચાર વ્યક્તિઓની ઓળખ કરી તેની ધરપકડ કરવાની કામગીરી શરુ કરવામાં આવી છે. 

આ ઘટના પરથી લોકોમાં રોષ જોવા મળી રહ્યો છે. લોકો દ્વારા પોલીસને અનેક પ્રકારના સવાલો પુછવામાં આવી રહ્યો છે વાર તહેવારે ટ્રાફિક ડ્રાઈવના નામે આમ જનતાને હેરાન કરનારી પોલીશને શું પોલીસ સ્ટેશનની પાસે જ જાહેરમાં દારુની મહેફિલ નહી દેખાય હોય, તો બીજી તરફ એવી પણ કટાક્ષ કરી રહ્યા છે કે ગુજરાતતો ડ્રાય સ્ટેટ છે તો પછી નબીરાઓ પાસે દારુ આવ્યો ક્યાંથી, અને જો પરમીટનો દારુ હોય તો પછી જાહેરમાં કઈ રીતે પીય શકે... જાહેરમાં દારુની મહેફિલ માણવાનો વીડિયો વાયરલ થતા લોકો હાલ પોલીસ પર અનેક પ્રકારના સવાલો કરી રહ્યા છે.