અમદાવાદમાં ખેલાયો ખૂનનો ખેલ

અમદાવાદ: અમદાવાદમાં હત્યા, ચોરી અને લૂંટના બનાવોમાં સતત વધારો થઈ રહ્યો છે. આ દરમિયાન, શહેરમાં વધુ એક હત્યાની ઘટના સામે આવી છે. કાગડાપીઠ પોલીસ સ્ટેશનની હદમાં આવેલી ઊંટવાળી ચાલીમાં બે શખ્સોએ નીતિન પઢિયાર નામના યુવકની હત્યા કરી છે.

મળતી માહિતી અનુસાર, કિરણ ચૌહાણ સહિત બે શખસોએ ચાકુના ઘા મારીને નીતિન પઢિયારને હત્યા કરી છે. પ્રાથમિક તપાસમાં એ માહિતી મળી છે કે, આ હત્યા પત્ની સાથેના પ્રેમ સંબંધોને લઈ કરવામાં આવી છે. કાગડાપીઠ પોલીસે આ મામલે ગુનો દાખલ કરીને વધુ તપાસ શરૂ કરી છે.