અડાલજથી ISIS સાથે જોડાયેલા 3 આતંકીઓ પકડાયા

ગાંધીનગરના અડાલજ નજીક ગુજરાત એન્ટી ટેરરિસ્ટ સ્ક્વોડ (ATS)ને મોટી સફળતા મળી છે. ATSની ટીમે નવા આતંકી મોડ્યુલ સાથે સંકળાયેલા ત્રણ શખ્સોને ઝડપી પાડ્યા છે. આ શખ્સો ISIS સાથે જોડાયેલા હોવાનું માહિતી મળી છે અને બે ઉત્તરપ્રદેશના તેમજ એક હૈદરાબાદનો હોવાનું જાણવા મળ્યું છે.

બાતમીના આધારે ATS ટીમે સઘન વોચ ગોઠવી હતી અને શંકાસ્પદ શખ્સોની તાત્કાલિક ધરપકડ કરી. પહોચ્યા બાદ ત્રણેય આતંકીઓની પૂછપરછ શરૂ કરવામાં આવી છે, જેમાં તેમના ઈરાદા, અન્ય સભ્યો અને યોજનાઓ વિશે મહત્વપૂર્ણ ખુલાસો થવાની શક્યતા છે.

આ કેસમાં ગુજરાત ATS આગામી સમયમાં સત્તાવાર પ્રેસ કોન્ફરન્સ દ્વારા ધરપકડ કરાયેલા આતંકીઓની ઓળખ અને તેમની આતંકી પ્રવૃત્તિઓ વિશે વિગતવાર માહિતી જાહેર કરશે. આ કામગીરી રાજ્યની સુરક્ષા માટે મહત્વપૂર્ણ પગલું ગણાય છે.