સુરતમાં સમૃદ્ધિ કોર્પોરેશનના મોટા માથાઓનું 2500 કરોડનું જમીન કૌભાંડ

ભાગીદારી પેઢી સમૃદ્ધિ કોર્પોરેશનના મોટા માથાઓનું સુરતમાં 2500 કરોડનું જમીન કૌભાંડ બહાર આવ્યું છે. આ મામલે  CID ક્રાઇમમાં ગુનો દાખલ કરાયો છે અને તપાસ શરુ કરાઇ છે. સીઆઇડી ક્રાઇમ દ્વારા  તત્કાલીન સિટી સર્વે સુપ્રિટેન્ડન્ટ કે.ડી.ગામીત, એ.ડી.પટેલ સહિત સમૃદ્ધિ કોર્પોરેશનના ભાગીદારો વિરુદ્ધ પોલીસ ફરિયાદ દાખલ કરી છે.

2500 કરોડનું જમીન કૌભાંડ બહાર આવતા ખળભળાટ મચી ગયો છે. આ મામલે સીઆઇડી ક્રાઇમમાં  જમીન માલિક આઝાદ રામોલિયાએ ફરિયાદ નોંધાવી છે.  આઝાદ રામોલિયાએ સીઆઇડી ક્રાઇમથી લઇ મુખ્યમંત્રી કાર્યાલય સુધી ફરિયાદ કરી હતી 

મળેલી માહિતી મુજબ એક બ્રોકર નકલી પ્રોપર્ટી કાર્ડ લઇ જમીન માલિકને જમીન વેચવા પહોંચતા આ સમગ્ર રેકેટ બહાર આવ્યું છે. જે તે વખતે મુખ્યમંત્રીએ આ મામલે મુખ્યમંત્રીને પણ ફરિયાદ કરી હતી અને મુખ્યમંત્રી તરફથી તપાસની સુચના અપાઇ હતી છતાં  સરકારી બાબુઓ CMના આદેશને પણ ઘોળીને પી ગયા હતા.

સુરતની ડુમસ-વાટાની જમીનોના બોગસ પ્રોપર્ટી કાર્ડ બની ગયા હોવા મામલે રામોલિયાએ મુખ્યમંત્રી સુધી ફરિયાદ કરી હતી. મુખ્યમંત્રી ભુપેન્દ્ર પટેલે સંબંધિત તંત્રોને કાર્યવાહી કરવા સાથે પત્ર પણ મોકલ્યો હતો પણ  સમૃદ્ધિ કોર્પોરેશનના ભાગીદારોના નામ અરજીમાં સામેલ હતા પરંતુ FIRમાંથી ગાયબ થઇ ગયા  હતા.

ફરિયાદીએ સીઆઇડી ક્રાઇમથી લઇ મુખ્યમંત્રી કાર્યાલય સુધી કરેલી અરજીમાં સમૃદ્ધિ કોર્પોરેશન ભાગીદારી પેઢીના ભાગીદારોના નામ આપ્યા હતા. જેમાં

૧ નરેશ નેમચંદ શાહ (રહે- અભિષેક બંગલો, અશ્વિન મહેતા પાર્ક પાસે, અઠવાલાઇન્સ), 

૨ મનહર મુળજીભાઇ કાકડિયા (રહે- સીટીલાઇટ સોસાયટી, ઉમરા), 

૩ લોકનાથ લોરેન્દામલ ગંભીર (રહે- સાયલન્ટ ઝોન, ડુમસ), 

૪ જયપ્રકાશ ખાનચંદ આસવાણી (રહે- સાયલન્ટ ઝોન, ડુમસ), 

૫ મીનાબેન નરેશ શાહ (રહે- અભિષેક બંગલો, અઠવાલાઇ ન્સ), 

૬ હિતેશ મહાસુખલાલ દેસાઇ (રહે- મણિપુષ્પક સોસાયટી, દેલાડ, ઓલપાડ), 

૭ સીટી સર્વેયર ઓફિસર કાનાલાલ પોલા ગામીતને આરોપી બનાવ્યા હતા. 

જેથી સીઆઇડી ક્રાઇમના સુરત ઝોને દાખલ કરેલી FIRમાં સમૃદ્ધિ કોર્પોરેશનના ભાગીદારો અને ઓફિસમાં કામ કરતા કર્મચારીઓને આરોપી તરીકે દર્શાવ્યા હતા. જો કે FIRમાંથી સમૃદ્ધિ કોર્પોરેશનના ભાગીદાર બિલ્ડરોના નામ ગાયબ હોય અનેક શંકા કુશંકા થઇ રહી છે.  આ કેસમાં FIRમાંથી સમૃદ્ધિના ભાગીદારોના નામનો શા માટે ઉલ્લેખ કરાયો નથી તે અંગે સીઆઇડીએ કોઈ ફોડ પાડયો નથી. પાલિકામાં સાયલન્ટ ઝોનના નામે કોઈ પ્રોજેક્ટ જ નથી
જમીનના ૩૫૧ નકલી પ્રોપર્ટી કાર્ડ બનાવાયા હોવાનું પણ ખુલ્યું છે.