ભારતમાં વેપારીઓમાં ડિજિટલ ચૂકવણી જુન 2025માં વાર્ષિક ધોરણે નોંધપાત્ર વૃદ્ધિ જોવા મળી છે. ઇક્વિરિસ સિક્યોરિટીઝના તાજેતરના અહેવાલ અનુસાર, જૂનમાં વેપારીઓ દ્વારા સ્વીકારવામાં આવેલી કુલ ડિજિટલ ચૂકવણીની રકમ રૂ. 9,10,000 &nbsp;કરોડ રૂપિયા (9.1 ટ્રિલિયન) સુધી પહોંચી હતી, જે છેલ્લા વર્ષની તુલનામાં લગભગ 19%નો વધારો દર્શાવે છે.
તાજેતરની વૃદ્ધિમાં UPI પર્સન-ટુ-મર્ચન્ટ (P2M) ટ્રાન્ઝેક્શનને ઓળખવામાં આવ્યા છે, જેમાં વાર્ષિક 22%ના ઉછાળા સાથે&nbsp; રૂ. 6.7 &nbsp;ટ્રિલિયન સુધી પહોંચ્યા છે. ક્રેડિટ કાર્ડ ખર્ચ નોધપાત્ર 15% વધીને રૂ.1.8 ટ્રિલિયન થયો છે, જ્યારે ડેબિટ કાર્ડ ખર્ચમાં 14%નો ઘટાડો નોંધાયો અને રૂ.35,300 કરોડ પર સ્થિર રહ્યો છે.
કુલ ડિજિટલ પેમેન્ટમાં UPI-P2M ટ્રાન્ઝેક્શનનો શેર 74.5% છે, જ્યારે ક્રેડિટ કાર્ડ્સનો 20% હિસ્સો છે. વિકાસનું મહત્વપૂર્ણ પાસું એ છે કે મૂલ્યની દૃષ્ટિએ UPI P2M વ્યવહારો રૂ. 2000થી વધુ રકમના છે.
આ જ સમયગાળા દરમિયાન સક્રિય ક્રેડિટ કાર્ડ્સની સંખ્યા 11.12 કરોડ રહી હતી. ઓનલાઇન શોપિંગ અને ઈ-કોમર્સનો દબદબો પણ સ્પષ્ટ છે. જૂનમાં, કુલ ક્રેડિટ કાર્ડ ખર્ચમાંથી 63.1% ઈ-કોમર્સ પર થયો હતો, જ્યાં પ્રતિ કાર્ડ સરેરાશ ખર્ચ દર મહિને રૂ. 10,400 રહ્યો હતો.
સરકાર પણ ડિજિટલ પેમેન્ટ્સને પ્રોત્સાહન આપવા માટે વિવિધ એજન્સીઓ જેવી કે &nbsp;RBI, NPCI તથા ફિનટેક કંપનીઓ અને રાજ્ય સરકારો સાથે મળીને કામ કરી રહી છે. વિશેષ કરીને ટાયર-2 અને ટાયર-3 શહેરોમાં તક પહોંચાડવાના હેતુથી ડીજીટલ પેમેન્ટસ પર ધ્યાન આપવામાં આવી રહ્યું છે. છેલ્લાં છ નાણાકીય વર્ષોમાં દેશમાં કુલ 65,000 કરોડથી વધુ ડિજિટલ ટ્રાન્ઝેક્શન નોંધાયા છે, જેનું કુલ મૂલ્ય રૂ. 12,000 લાખ કરોડથી વધુ છે.
આપણા ડિજિટલ અર્થતંત્રના આ દૃઢ વિકાસ દ્વારા દૃઢપણે જણાય છે કે યુવાઓથી લઈને નાના વેપારીઓ સુધી UPI અને અન્ય ડિજિટલ વાહકો ભારતની ચુકવણી પદ્ધતિઓને સ્થાયી રીતે બદલી રહી છે.
&nbsp;

UPI વ્યવહારોમાં 22% વૃદ્ધિ

UPI વ્યવહારોમાં 22% વૃદ્ધિ, ડિજિટલ ઇકોનોમીમાં યુવા અને વેપારીઓનો દબદબો

July 30, 2025 | 16:35 IST