હજી એક પોલીસ ભરતીનું પેપર લીક, રાજસ્થાન SIની પરીક્ષા રદ થવાના આરે!

રાજસ્થાન પોલીસ સબ ઈન્સ્પેક્ટર ભરતી પરીક્ષા 2024 રદ થઈ શકે છે! પેપર લીક કેસમાં 37 પોલીસકર્મીઓ સહિત ઘણાની ધરપકડ કરવામાં આવી છે. સ્પેશિયલ ઓપરેશન ગ્રુપની તપાસમાં બે ગેંગનો ખુલાસો થયો છે. એસઓજીએ પરીક્ષા રદ કરવા માટે સરકારને દરખાસ્ત મોકલી છે, જેના પર ટૂંક સમયમાં નિર્ણય અપેક્ષિત છે.

રાજસ્થાન પોલીસમાં 859 જગ્યાઓ માટે આ ભરતી પરીક્ષામાં 7.97 લાખથી વધુ ઉમેદવારોએ હાજરી આપી હતી. આ પરીક્ષા 13, 14 અને 15 સપ્ટેમ્બર, 2021ના રોજ લેવામાં આવી હતી. ફેબ્રુઆરી 2024 માં પેપર લીકનો મુદ્દો પ્રકાશમાં આવ્યો ત્યારથી આ પરીક્ષા પર સંકટના વાદળો મંડરાઈ રહ્યા છે.

એસઓજીએ તેનો તપાસ અહેવાલ પોલીસ મહાનિર્દેશકને સુપરત કર્યો છે, જેણે રાજ્ય સરકારને મોકલી આપ્યો છે. માનવામાં આવી રહ્યું છે કે સરકાર ટૂંક સમયમાં આ મામલે મોટો નિર્ણય લઈ શકે છે. સરકાર પરીક્ષાને રદ કરીને ફરીથી આયોજિત કરવા પર વિચાર કરી રહી છે.

-POOJA