કર્ણાટકના ચિક્કમગલુરુમાં પેલેસ્ટાઇનનો ધ્વજ લહેરાવવા બદલ ચાર સગીરની ધરપકડ

 

કર્ણાટક પોલીસે સોમવારે ચિક્કમગલુરુ જિલ્લામાં બાઇક ચલાવતી વખતે પેલેસ્ટિનિયન ધ્વજ ફરકાવવા બદલ ચાર સગીરોની અટકાયત કરી હતી.
ઘટના સંદર્ભે અટકાયત કરાયેલા સગીરોની પૂછપરછ કરવામાં આવી રહી છે.

છોકરાઓને પૂછવામાં આવે છે કે તેમને પેલેસ્ટિનિયન ધ્વજ કેવી રીતે મળ્યો અને શું તેઓને ધ્વજ પકડીને શહેરની આસપાસ ફરવા માટે સૂચના
આપવામાં આવી હતી કે શું તેઓએ જાતે જ આમ કર્યું હતું.
પોલીસના જણાવ્યા અનુસાર, સગીરોએ ટુ-વ્હીલર પર સવાર થઈને પેલેસ્ટિનિયન ધ્વજ લહેરાવવાની આ ઘટના રવિવારે બની હતી.

પોલીસ વિભાગે આ મામલાને ગંભીરતાથી લઈને સઘન તપાસ હાથ ધરી છે.ચિક્કમગાલુરુ શહેરના મુખ્ય માર્ગો પરથી ઈદ મિલાદ ઉત્સવનું જુલુસ પસાર થવાનું હોવાથી પોલીસ હાઈ એલર્ટ પર છે.