આજે અમદાવાદમાં પંજાબ અને મુંબઈ વચ્ચે સેમિફાનલ મેચ રમાશે

આજે બીજા ક્વોલિફાયર એટલે કે સેમિફાયનલમાં મુંબઈ ઇન્ડિયન્સ (MI) નો સામનો પંજાબ કિંગ્સ (PBKS) સાથે થશે. PBKS ને પ્રથમ ક્વોલિફાયરમાં રોયલ ચેલેન્જર્સ બેંગ્લોર (RCB) સામે કારમી હારનો સામનો કરવો પડ્યો હતો, જ્યારે MI ને એલિમિનેટરમાં GT સામે મોટી જીત મળી હતી. હવે બંને ટીમો આ મેચ જીતીને ફાઇનલમાં પહોંચવાનું લક્ષ્ય રાખશે, જ્યાં તેઓ મંગળવારે RCB સામે ટકરાશે.

 

પંજાબની ટીમ 2008 ની IPL ની પ્રથમ આવૃત્તિમાં નોકઆઉટ રાઉન્ડમાં પહોંચી હતી, જ્યાં તેમને સેમિફાઇનલમાં ચેન્નાઈ સુપર કિંગ્સ સામે નવ વિકેટથી કારમી હારનો સામનો કરવો પડ્યો હતો. આ પછી, તેમને નોકઆઉટ અથવા પ્લેઓફ રેસમાં પહોંચવામાં છ વર્ષ લાગ્યા, જ્યારે તેઓ 2014 માં પોઈન્ટ ટેબલમાં ટોચ પર રહીને ફાઇનલમાં પહોંચ્યા હતા. જોકે, આ વખતે ફાઇનલમાં, કોલકાતા નાઈટ રાઇડર્સે તેમને રોમાંચક મેચમાં ત્રણ બોલ બાકી રહેતા ત્રણ વિકેટથી હરાવ્યા.

 

પંજાબ અત્યાર સુધી પાંચ પ્લે-ઓફ મેચ રમ્યું છે, જેમાં તેઓ ફક્ત એક જ જીતી શક્યા છે. આમાં આ વર્ષની પ્રથમ ક્વોલિફાયર મેચનો પણ સમાવેશ થાય છે. બીજી બાજુ, જો આપણે MI ની વાત કરીએ, તો MI, જેણે સંયુક્ત રીતે મહત્તમ પાંચ વખત IPL ટાઇટલ જીત્યું છે, તેણે પ્લે-ઓફમાં 21 મેચ રમી છે, જેમાં તેઓએ 14 જીત્યા છે અને સાત હારી છે. જોકે, અમદાવાદમાં તેમનો રેકોર્ડ ખૂબ સારો રહ્યો નથી અને તેઓએ છમાંથી ફક્ત એક જ મેચ જીતી છે, જ્યારે તેઓ પાંચમાં હારી ગયા છે. MI એ જે રીતે એલિમિનેટરમાં પ્રદર્શન કર્યું અને GT ને હરાવ્યું, તે જ પ્રદર્શન તેઓ જાળવી રાખવા માંગે છે.

 

બંને ટીમો વચ્ચે અત્યાર સુધી રમાયેલી 33 મેચોમાં, MI એ 17 જીત્યા છે જ્યારે PBKS એ 16 જીતી છે, એટલે કે મામલો ખૂબ નજીકનો રહ્યો છે. આ સિઝનમાં બંને ટીમો વચ્ચે રમાયેલી એકમાત્ર મેચમાં, PBKS એ MI ને હરાવ્યું છે. પહેલી વાર બંને ટીમો પ્લે-ઓફમાં એકબીજાનો સામનો કરશે.

 

ત્યારે આજે રમાનારી આ નિર્ણાયક મેચમાં કયા પાંચ ખેલાડીઓ પર બધાની નજર રહેશે

 

મુંબઈના ઓપનિંગ બેટ્સમેન તરીકે, અનુભવી રોહિત શર્માએ એલિમિનેટર મેચમાં 81 રનની મહત્વપૂર્ણ ઇનિંગ્સ રમી છે. રોહિતે આ સિઝનમાં અત્યાર સુધી 14 મેચમાં 410 રન બનાવ્યા છે. આ દરમિયાન તેના બેટમાંથી ચાર અડધી સદી આવી છે.

 

સૂર્યા હાલમાં શાનદાર ફોર્મમાં છે. તેણે આ સિઝનમાં મુંબઈ માટે 15 મેચમાં 67.30 ની સરેરાશથી 673 રન બનાવ્યા છે, જેમાં પાંચ સદીનો સમાવેશ થાય છે. આ સિઝનમાં સૌથી વધુ રન બનાવવાના મામલે આ બેટ્સમેન નંબર-2 પર છે.

 

મુંબઈનો આ અનુભવી ફાસ્ટ બોલર વિશ્વના સૌથી ખતરનાક બોલરોમાંનો એક છે. બુમરાહએ આ સિઝનમાં 11 મેચમાં 18 વિકેટ લીધી છે.

 

જબરદસ્ત ફોર્મમાં રહેલા પંજાબના કેપ્ટન પાસે મેચને પોતાના દમ પર પલટાવવાની ક્ષમતા છે. તેણે IPL-2025 માં અત્યાર સુધીમાં 15 મેચ રમી છે, જેમાં તેણે 46.91 ની સરેરાશથી 516 રન બનાવ્યા છે. ઐયરના બેટમાંથી 5 અર્ધશતક જોવા મળી છે.

 

મુંબઈ પાસે જસપ્રીત બુમરાહ છે, જ્યારે પંજાબ પાસે અર્શદીપ સિંહ છે. અર્શદીપ આ સિઝનમાં પંજાબનો સૌથી સફળ બોલર રહ્યો છે, તેણે 15 મેચમાં 18 વિકેટ લીધી છે.

 

ત્યારે આજની મેચ ખૂબ જ રોમાંચક રહેવાની છે, જોવાનું એ રહ્યું કે આજે કઈ ટીમ પોચાનો દમખમ બતાવી ફાયનલમાં પોતાનું સ્થાન બનાવે છે તે તો હવે જોવુ જ રહ્યું.