IPL 2025 : વૈભવની સદીની વાહવાહી વચ્ચે ભાંડો ફૂટ્યો? BCCI કરી શકે છે કડક કાર્યવાહી!

IPL 2025 માં રાજસ્થાન રોયલ્સના યુવા બેટ્સમેન વૈભવ સૂર્યવંશી પોતાની ચોંકાવનારી બેટિંગથી ધૂમ મચાવી રહ્યા છે. આ ટુર્નામેન્ટમાં તેમણે ગુજરાત ટાઇટન્સ સામે રમતા માત્ર 35 બોલમાં શાનદાર સદી ફટકારી હતી અને ત્યારથી સોશિયલ મીડિયા પર તેમની ખૂબ જ પ્રશંસા થઈ રહી છે.

લોકો સોશિયલ મીડિયા પર કહી રહ્યા હતા કે, માત્ર 14 વર્ષની ઉંમરમાં વૈભવ સૂર્યવંશીએ જે રીતે કૌશલ્ય બતાવ્યું છે તે મોટી ઉંમરનો ખેલાડી પણ નથી બતાવતો. પરંતુ આ સાથે જ હવે સોશિયલ મીડિયા પર તેમના વિરુદ્ધ ગંભીર છેતરપિંડીનો આરોપ લાગી રહ્યો છે અને કહેવામાં આવી રહ્યું છે કે BCCI તેમના પર કડક કાર્યવાહી પણ કરી શકે છે.

વૈભવ સૂર્યવંશીએ રમી અદભૂત ઇનિંગ્સ...

રાજસ્થાન રોયલ્સના ડાબા હાથના યુવા બેટ્સમેન વૈભવ સૂર્યવંશી આ સિઝનમાં પોતાની બેટિંગથી સૌને પ્રભાવિત કરી રહ્યા છે. ગુજરાત ટાઇટન્સ સામે રમતા તેમણે માત્ર 35 બોલમાં જ પોતાની સદી પૂરી કરી છે. તેમણે આ દરમિયાન 7 ચોગ્ગા અને 11 ગગનચુંબી છગ્ગા પણ લગાવ્યા હતા. તેમણે આ ઇનિંગ્સ દરમિયાન કુલ 38 બોલનો સામનો કર્યો અને 101 રન બનાવ્યા છે. આ મેચમાં તેમણે યશસ્વી જયસ્વાલ સાથે 166 રનની ભાગીદારી પણ કરી હતી.

વૈભવ સૂર્યવંશી પર લાગ્યા ખોટા છેતરપિંડીના આરોપ...

જ્યારથી વૈભવ સૂર્યવંશી ઓક્શનમાં વેચાયા છે ત્યારથી સોશિયલ મીડિયા પર એક વર્ગ તેમને તેમની ઉંમર માટે ટ્રોલ કરી રહ્યો છે અને હવે આ યાદીમાં નામ સામેલ થઈ ગયું છે ઓલિમ્પિકમાં ભારતને મેડલ જીતાડનાર વિજેન્દર સિંહનું. વિજેન્દર સિંહે તેમની સદીની ઇનિંગ્સ જોયા પછી સોશિયલ મીડિયા એકાઉન્ટ X પર તેમની ઉંમર સંબંધિત પોસ્ટ કર્યું. તેમણે લખ્યું કે નાની ઉંમરના બાળકો પણ ક્રિકેટમાં સારું રમવા લાગ્યા છે. ત્યારબાદ સોશિયલ મીડિયા પર લોકો તેમને કહી રહ્યા છે કે ભાઈ ઉંમર મહત્વની નથી ટેલેન્ટ મહત્વનું છે. તમે તેના ટેલેન્ટની કદર કરો.

ઉંમર સાથે છેતરપિંડી કરનારાઓને સજા આપે છે BCCI...

BCCI પોતાના નિયમો માટે ખૂબ જ કઠોર રહે છે અને આ જ કારણે જ્યારે કોઈ ખેલાડી ઉંમર સંબંધિત છેતરપિંડીમાં પકડાય છે તો તેને બેન પણ કરી દે છે. અંડર-19 ક્રિકેટ વર્લ્ડ કપ 2018 માં ચેમ્પિયન ટીમનો ભાગ રહેલા મનજોત કાલરાએ પણ ઉંમરમાં છેડછાડ કરી હતી અને ત્યારબાદ તેને BCCI દ્વારા બેન કરી દેવામાં આવ્યો હતો. આ સાથે જ નીતીશ રાણા, રાસિક સલામ ડાર સહિત એવા ઘણા વધુ ખેલાડીઓ છે જેમને BCCI એ ઉંમરમાં છેતરપિંડી કરવા બદલ સજા કરી છે.