IND-ENG Test: ઓલી પોપની સદી, ભારતના 471 રન, ઇગ્લેન્ડના 3 વિકેટે 209 રન

લીડ્સમાં ભારત અને ઇંગ્લેન્ડ વચ્ચે રમાઈ રહેલી પ્રથમ ટેસ્ટના બીજા દિવસે, જ્યારે વિકેટો પડી રહી હતી, ત્યારે ઘણા રન પણ થયા હતા. ભારતે પોતાની ઇનિંગ દરમિયાન 41 રનની અંદર છેલ્લી 7 વિકેટ ગુમાવી દીધી હતી અને 471 રન સુધી પહોંચી ગયું હતું. તે જ સમયે, તેના જવાબમાં, ઇંગ્લેન્ડે મજબૂત શરૂઆત કરી હતી અને બીજા દિવસના અંત સુધીમાં, તેઓએ 3 વિકેટ ગુમાવીને 209 રન બનાવ્યા છે.

ઇંગ્લેન્ડની શરૂઆત સારી નહોતી. ટીમને પહેલો ફટકો 4 રનના સ્કોર પર મળ્યો હતો જ્યારે જેક ક્રોલી 4 રનના સ્કોર પર આઉટ થયો હતો. તેને જસપ્રીત બુમરાહ દ્વારા આઉટ કરવામાં આવ્યો હતો. આ પછી, બેન ડકેટ અને ઓલી પોપે બીજી વિકેટ માટે 122 રનની ભાગીદારી કરી હતી. ડકેટ પણ બુમરાહનો શિકાર બન્યો હતો. ડકેટને 62 રનના સ્કોર પર બુમરાહ દ્વારા બોલ્ડ કરવામાં આવ્યો.

ઓલી પોપે શાનદાર સદી ફટકારી છે. તે 131 બોલમાં 13 ચોગ્ગાની મદદથી 100 રન બનાવીને અણનમ છે. જો રૂટ 28 રન બનાવીને આઉટ થયો હતો. પોપ 100 અને બ્રુક શૂન્ય રન બનાવીને અણનમ છે. ત્રણેય વિકેટ જસપ્રીત બુમરાહએ લીધી હતી.

ભારતીય ટીમનો પ્રથમ દાવ 471 રન પર સમાપ્ત થયો. ભારતે તેની છેલ્લી 7 વિકેટ માત્ર 41 રનમાં ગુમાવી દીધી હતી. જો નીચલા ક્રમે ઉપયોગી યોગદાન આપ્યું હોત, તો ટીમનો સ્કોર 550 થી ઉપર જઈ શક્યો હોત.

ભારત માટે, કેપ્ટન શુભમન ગિલે સૌથી વધુ 147 રન બનાવ્યા જ્યારે ઉપ-કેપ્ટન ઋષભ પંતે 134 રન બનાવ્યા. આ ઉપરાંત, યશસ્વી જયસ્વાલે 101 રનની ઇનિંગ રમી.