Rohit Sharma : હિટમેનની ટેસ્ટને ટાટા બાય-બાય, રોહિતની નિવૃત્તિથી ક્રિકેટ જગતમાં ખાલીપો...

ભારતીય ટીમના સ્ટાર બેટ્સમેન રોહિત શર્મા (Rohit Sharma)એ ટેસ્ટ ક્રિકેટમાંથી નિવૃત્તિ જાહેર કરી દીધી છે. આ પહેલાં રોહિતે T20 ફોર્મેટમાંથી પણ સંન્યાસ લઈ લીધો હતો. જો કે, રોહિત શર્મા (Rohit Sharma) વનડે ક્રિકેટમાં રમવાનું ચાલુ રાખશે.

રોહિતની ટેસ્ટ કારકિર્દી...

રોહિતે પોતાની કારકિર્દીમાં 67 ટેસ્ટ મેચોમાં 116 ઇનિંગ્સ રમીને 4302 રન બનાવ્યા છે. તેમનો સર્વોચ્ચ સ્કોર 212 રન રહ્યો છે. રોહિતે ટેસ્ટ ક્રિકેટમાં 18 અડધી સદી અને 12 સદી ફટકારી છે, જેમાં એક બેવડી સદીનો પણ સમાવેશ થાય છે. ખાસ વાત એ છે કે રોહિતે પોતાની પ્રથમ ટેસ્ટ મેચમાં જ સદી ફટકારી હતી.

રોહિત શર્મા (Rohit Sharma)એ 6 નવેમ્બર 2013 ના રોજ વેસ્ટ ઈન્ડિઝ સામે કોલકાતાના ઈડન ગાર્ડન્સ મેદાન પર ટેસ્ટ ક્રિકેટમાં પદાર્પણ કર્યું હતું. જ્યારે તેમણે છેલ્લી ટેસ્ટ મેચ 26 ડિસેમ્બર 2024 ના રોજ ઓસ્ટ્રેલિયા સામે મેલબોર્ન ક્રિકેટ ગ્રાઉન્ડ પર રમી હતી.