આઇફોન 17 ક્રેઝ: સ્ટોરમાં લાંબી લાઈનો અને મારામારી

એપલનો નવો iPhone 17 ભારતમાં આજે વેચાણ માટે ઉપલબ્ધ થતાની સાથે જ દેશભરના એપલ સ્ટોર્સ પર લોકોની ભારે ભીડ જોવા મળી. આઇફોન ખરીદવાનો ઉત્સાહ એટલો વધારે હતો કે મુંબઈના બાંદ્રા કુર્લા કોમ્પ્લેક્સ (BKC) સ્થિત એપલ સ્ટોરમાં મારામારી પણ થઈ.

મુંબઈના એપલ સ્ટોર પર, સવારે 8 વાગ્યે સ્ટોર ખુલતા પહેલા જ લોકોની લાંબી લાઈનો લાગી હતી. આઇફોન 17, iPhone 17 Pro, iPhone 17 Pro Max અને નવા એપલ વોચ જેવા ડિવાઈસ ખરીદવા માટે લોકો કલાકો સુધી રાહ જોઈ રહ્યા હતા.

જોકે, ઉત્સાહ હિંસામાં ત્યારે ફેરવાઈ ગયો જ્યારે કેટલાક લોકોએ લાઈન તોડવાનો પ્રયાસ કર્યો. આ ઘટનાનો વીડિયો વાયરલ થયો છે, જેમાં લોકો એકબીજા સાથે મારામારી કરતા જોવા મળે છે. સુરક્ષાકર્મીઓએ પરિસ્થિતિને થાળે પાડવાનો પ્રયાસ કર્યો હતો.

          View this post on Instagram                      

A post shared by Benefit News (@benefitnews)

 

નવી દિલ્હીના સાકેત વિસ્તારમાં આવેલા એપલ સ્ટોર પર પણ સમાન દ્રશ્યો જોવા મળ્યા. કેટલાક લોકો તો રાતભર સ્ટોરની બહાર જ રાહ જોતા હતા, અને આઇફોન મેળવવા માટે પંજાબ જેવા દૂરના સ્થળોથી પણ આવ્યા હતા. કેટલાક ગ્રાહકોએ તો ઓફિસમાંથી રજા પણ લીધી હતી.

નવી આઇફોન 17 સિરીઝની કિંમત ₹82,900થી શરૂ થાય છે, જ્યારે iPhone 17 Pro Maxની કિંમત ₹1,49,900 સુધી છે. આટલી ઊંચી કિંમત હોવા છતાં, ભારતીયોમાં આઇફોનનો ક્રેઝ જોતાં લાગે છે કે એપલ માટે આ સિરીઝ પણ એક મોટી સફળતા સાબિત થશે.