સનાતન ધર્મમાં શ્રાવણ મહિનાની પૂનમનું વિશેષ મહત્વ છે. આ દિવસે ભાઈ-બહેનના પવિત્ર સંબંધ અને અતૂટ પ્રેમના પ્રતીક સમા રક્ષાબંધનનો તહેવાર ઉજવવામાં આવે છે. જ્યોતિષશાસ્ત્ર અનુસાર, આ વખતે રક્ષાબંધન પર કેટલાક વિશેષ સંયોગો બની રહ્યા છે, જે આ તહેવારનું મહત્વ વધારે છે. આ દિવસે ભાઈને વિધિપૂર્વક રાખડી બાંધવાથી તેનું આયુષ્ય લંબાય છે અને જીવનમાં સુખ-સમૃદ્ધિ આવે છે.
રક્ષાબંધન 2025 ક્યારે છે?
 હિન્દુ કેલેન્ડર મુજબ, આ વર્ષે શ્રાવણ મહિનાની પૂનમની તિથિ 8 ઓગસ્ટ, 2025ના રોજ સવારે 2.12 વાગ્યે શરૂ થશે અને 9 ઓગસ્ટ, 2025ના રોજ બપોરે 1.24 વાગ્યે સમાપ્ત થશે. ઉદયતિથિની માન્યતા અનુસાર, રક્ષાબંધનનો તહેવાર 9 ઓગસ્ટ, 2025 (શનિવાર) ના રોજ ઉજવવામાં આવશે.
રાખડી બાંધવાનો શુભ સમય
 આ વખતે રક્ષાબંધનના દિવસે બહેનોને રાખડી બાંધવા માટે લગભગ 7 કલાક અને 36 મિનિટનો શુભ સમય મળશે. આ દિવસે બહેનો સવારે 5:48 થી બપોરે 1:24 વાગ્યા સુધી પોતાના ભાઈના કાંડે રાખડી બાંધી શકે છે. આ શુભ મુહૂર્તમાં કરવામાં આવેલા કાર્યનું ફળ પણ શુભ હોય છે, જેનાથી ભાઈને દીર્ઘાયુના આશીર્વાદ મળે છે.
શુભ મુહૂર્ત અને યોગ
 રાખડી બાંધવાનો શુભ સમય: સવારે 5.48 થી બપોરે 1.24 સુધી
બ્રહ્મ મુહૂર્ત: સવારે 4.23 થી સવારે 5.05 સુધી
અભિજિત મુહૂર્ત: બપોરે 12.01 થી બપોરે 12.54 સુધી
સર્વાર્થ સિદ્ધિ યોગ: સવારે 5.48 થી સવારે 9.23 સુધી
રાખડી બાંધતી વખતે આ બાબતોનું ધ્યાન રાખો
<img style="display: block; margin-left: auto; margin-right: auto;" src="https://ibp-benefits.s3.ap-south-1.amazonaws.com/prod/news/uploads/images/1754629130431_WhatsApp%2520Image%25202025-08-08%2520at%252010.28.18_82df26b3.jpg" alt="WhatsApp Image 2025-08-08 at 10.28.18_82df26b3.jpg" width="393" height="269">
 રાખડી બાંધતી વખતે કેટલીક બાબતોનું ધ્યાન રાખવું શુભ માનવામાં આવે છે. રાખડી બાંધતા પહેલા થાળીમાં દીવો, કંકુ, ચોખા, મીઠાઈ અને રાખડી તૈયાર રાખો. ભાઈને પૂર્વ દિશા તરફ મોઢું રાખીને બેસાડો અને તેના માથે રૂમાલ અથવા ટોપી ઢાંકી દો. કપાળ પર કંકુ અને ચોખાનો ચાંદલો કરો, રાખડી બાંધો અને તેને મીઠાઈ ખવડાવો. આ વિધિ ભાઈ-બહેનના સંબંધને વધુ મજબૂત બનાવે છે.
<img style="display: block; margin-left: auto; margin-right: auto;" src="https://ibp-benefits.s3.ap-south-1.amazonaws.com/prod/news/uploads/images/1754629090104_WhatsApp%2520Image%25202025-08-08%2520at%252010.26.22_6f8196cd.jpg" alt="WhatsApp Image 2025-08-08 at 10.26.22_6f8196cd.jpg" width="368" height="252">
નોંધ: આ માહિતી ધાર્મિક માન્યતાઓ અને સામાન્ય જ્યોતિષીય ગણતરીઓ પર આધારિત છે. બેનેફિટ ન્યૂઝ આની પુષ્ટિ નથી કરતું.

ભાઈબહેનના પવિત્ર પ્રેમનું પર્વ

રાખડી બાંધવાનો શ્રેષ્ઠ સમય, રક્ષાબંધન લાવશે શુભ સંયોગો સાથે સમૃદ્ધિ…

August 8, 2025 | 10:48 IST