મેષ અને વૃશ્ચિક રાશિ માટે વિશેષ દાન અને પૂજા વિધિ, આજે કયા કાર્યો ટાળવા?

|| શ્રી ગણેશ ઉપાસક ||
|| શ્રીમદ ભાગવત કથાકાર ||
|| શાસ્ત્રીજી કમલેશભાઈ પંડ્યા ||
M.phil B.ed. જ્યોતિષ, વાસ્તુશાસ્ત્ર
📱9924233030📱

પંચાંગ માર્ગદર્શન

વિક્રમ સંવત 2081 - શાલિવાહન શક 1946 - અનલ નામ સંવત્સર - ઉત્તરાયણ - ગ્રીષ્મ ઋતુ.

તારીખ: 6/6/2025, શુક્રવાર.
માસ: જ્યેષ્ઠ માસ, શુક્લ, સુદ પક્ષ.
તિથિ: એકાદશી.
નક્ષત્ર: ચિત્રા.
યોગ: વ્યતિપાત/વરિયાન.
આજે જન્મેલા બાળક: કન્યા રાશિ (પ, ઠ, ણ) આવશે.

આજનો ધાર્મિક ઉત્સવ અને વ્રત

આજે નિર્જલા ભીમ એકાદશી છે / શ્રી મા ગાયત્રીદેવી પ્રાગટ્ય દિન / મસુલ નામક અશુભ યોગ છે. નવા કાર્ય પ્રારંભ ન કરો, નુકસાન થઈ શકે છે.

આજનું શુભ અને અશુભ સમય માર્ગદર્શન

આજે રાહુ કાળ: સવારે 11:05 થી બપોરે 12:46 સુધી અશુભ સમય છે.
આજનો યમઘંટ કાળ: સાંજે 04:07 થી સાંજે 05:48 સુધી અશુભ સમય છે.
આજે રાહુ કાળ વાસ: અગ્નિ કોણ દિશામાં છે. આ દિશામાં બેસીને પૂજા કે માંગલિક કાર્ય ન કરશો, નુકસાન થશે.
આજે પશ્ચિમ દિશામાં દિશાશૂળ છે: યાત્રા, પ્રવાસ કરવા માટે અશુભ છે, દુર્ઘટના કે નુકસાન થઈ શકે છે.

આજે સૂર્યોદય: સવારે 06:02 વાગ્યે.
આજે સૂર્યાસ્ત: સાંજે 07:29 વાગ્યે.
આજે અભિજીત મુહૂર્ત: બપોરે 12:19 થી 01:12 સુધી.
આજે અમૃતકાલ: 7 જૂન, સવારે 02:26 થી 04:14 સુધી.
વિજય મુહૂર્ત: બપોરે 03:00 થી 03:54 સુધી શુભ સમય છે.

આજે મેષ રાશિ અને વૃશ્ચિક રાશિ માટે ઉપાય
મેષ રાશિ (અ, લ, ઈ) રાશિ ઉપાય 

મેષ રાશિ (અ, લ, ઈ) વાળાને અશુભ ગ્રહ દશા શાંત કરવા માટે આજે સૂર્ય દેવની પૂજા કરો. તાંબાના કળશમાં જળ, કંકુમ, પુષ્પ નાખીને સવારે 7 વાગ્યે સૂર્ય દેવને 4 વાર અર્ઘ્ય આપો અને મીઠાઈનો ભોગ શિવ મંદિરમાં અર્પણ કરો. 'ॐ સૂર્ય દેવાય નમઃ' મંત્રની 12 માળા કરવાથી અશુભ ગ્રહ દશા શાંત થશે, અને માનસિક, શારીરિક, આર્થિક સ્થિતિમાં લાભ થશે.

મેષ રાશિનું દાન ઉપાય 

મેષ રાશિના જાતકોએ આજે સૂર્ય ગ્રહ સંબંધી વસ્તુઓનું દાન કરવું: લાલ કપડું 1 મીટર, ઘઉં 250 ગ્રામ, ગોળ 250 ગ્રામ, નાળિયેર, લાલ ફૂલ, લાલ ફળ, પૂજાની સોપારી, બદામ 50 ગ્રામ, બ્રાહ્મણને દાન કરો, કાર્યમાં સફળતા મળશે.

વૃશ્ચિક રાશિ (ન, ય) રાશિ ઉપાય

વૃશ્ચિક રાશિ (ન, ય) વાળાને અશુભ ગ્રહ દશા શાંત કરવા માટે શ્રી વિષ્ણુ પૂજા અને રામ પૂજા કરો. ભગવાન વિષ્ણુની કૃપા મેળવવા માટે સવારે વહેલા સ્નાન વગેરે કરી પીળા રંગના વસ્ત્રો ધારણ કરો. ત્યાર બાદ ઉગતા સૂર્યને હળદર મિશ્રિત જળથી અર્ઘ્ય આપો. પછી ભગવાન વિષ્ણુની મૂર્તિને જળથી સ્નાન કરાવી તેમને પણ પીળા રંગના વસ્ત્રો પહેરાવો. પૂજામાં પીળા રંગના પુષ્પ અને પીળા રંગની મીઠાઈ વગેરે અર્પણ કરો. હળદરનો તિલક કરો અને પછી તેને પ્રસાદ સ્વરૂપ પોતાના માથે લગાવો. માનવામાં આવે છે કે હળદરના આ પ્રસાદથી ભગવાન વિષ્ણુની વિશેષ કૃપા વરસે છે અને સુખ-સમૃદ્ધિની પ્રાપ્તિ થાય છે. ભગવાન વિષ્ણુના મંત્રોની તુલસી કે ચંદનની માળાથી 'ॐ વિષ્ણવે' મંત્રની 12 માળા કરવાથી અશુભ ગ્રહ દશા શાંત થશે. વિષ્ણુ પૂજા કરવાથી શારીરિક, માનસિક અને આત્મિક શાંતિ પ્રાપ્ત થાય છે.

વૃશ્ચિક રાશિ (ન, ય) દાન ઉપાય

મંગળ ગ્રહ સંબંધી વસ્તુઓનું દાન કરો: લાલ કપડું 1 મીટર, ઘઉં 250 ગ્રામ, સિંદૂર, ગોળ 250 ગ્રામ, નાળિયેર, પૂજાની સોપારી, લાલ ફૂલ, લાલ ફળ, ચઢાવણી, તાંબાની વસ્તુઓ બ્રાહ્મણને દાન કરો, કાર્યમાં સફળતા મળશે.

|| શ્રી ગણેશજી તમારું કલ્યાણ કરે ||