ભારતના સૌથી મોટા શેરબજાર નેશનલ સ્ટોક એક્સચેન્જ (NSE)એ ટેકનોલોજીના ઈતિહાસમાં અત્યાર સુધીના સૌથી મોટા અપગ્રેડની જાહેરાત કરી છે.&nbsp;
આગામી 11 એપ્રિલથી NSEની સિસ્ટમનો રિસ્પોન્સ ટાઇમ 'માઇક્રોસેકન્ડ' માંથી ઘટીને 'નેનોસેકન્ડ' થઈ જશે. આ ફેરફારને કારણે ટ્રેડિંગની ઝડપમાં 1000 ગણો ધરખમ વધારો થશે, જેનાથી પ્રતિ સેકન્ડ અંદાજે 10 કરોડ ટ્રાન્ઝેક્શન પ્રોસેસ થઈ શકશે.
સ્પીડમાં 1000 ગણો વધારો
એસોસિએશન ઓફ NSE મેમ્બર્સ ઓફ ઇન્ડિયા (ANMI)ના એક કાર્યક્રમમાં મેનેજિંગ ડિરેક્ટર અને CEO આશિષકુમાર ચૌહાણે જણાવ્યું હતું કે, હાલમાં NSE નો રિસ્પોન્સ ટાઇમ 100 માઇક્રોસેકન્ડ છે, જે 50-60 લાખ ટ્રાન્ઝેક્શન પ્રતિ સેકન્ડ પ્રોસેસ કરવાની ક્ષમતા ધરાવે છે.
11 એપ્રિલથી આ ક્ષમતા વધીને 10 કરોડ ટ્રાન્ઝેક્શન સુધી પહોંચી જશે. આ અપગ્રેડ ખાસ કરીને 'હાઈ-ફ્રીક્વન્સી ટ્રેડર્સ' (HFT) અને સંસ્થાકીય રોકાણકારો માટે વરદાન સાબિત થશે, કારણ કે ઓર્ડર એક્ઝેક્યુશનમાં થતી વાર નહિવત થઈ જશે.
સાયબર સુરક્ષા સૌથી મોટો પડકાર
આટલા મોટા પાયે સ્કેલ વિસ્તરણની સાથે આશિષકુમાર ચૌહાણે સાયબર સુરક્ષા અંગે પણ ગંભીર ચેતવણી આપી છે. તેમણે જણાવ્યું હતું કે, "જો આપણે સાયબર સુરક્ષાને યોગ્ય રીતે હેન્ડલ નહીં કરી શકીએ, તો આ બધું જ અટકી શકે છે. દરેક વેન્ડરોએ સાયબર સિક્યુરિટીને સર્વોચ્ચ પ્રાથમિકતા આપવી પડશે."
નવા પ્રોડક્ટ્સ અને ઈન્ફ્રાસ્ટ્રક્ચર
NSE માત્ર ટેકનોલોજી જ નહીં પણ નવા એસેટ ક્લાસમાં પણ વિસ્તરણ કરી રહ્યું છે. આગામી સમયમાં:
વીજળી અને ગોલ્ડ ફ્યુચર્સ લોન્ચ કરવામાં આવશે.
10 ગ્રામ ગોલ્ડ ફ્યુચર્સ માટે સેબી (SEBI)ની મંજૂરી મળી ગઈ છે.
કોલોકેશન ક્ષમતા 2000 રેક્સથી વધારીને 4500 રેક્સ સુધી લઈ જવામાં આવશે.
આ આધુનિકીકરણ સાથે NSE હવે ગ્લોબલ ફાઈનાન્સ માર્કેટમાં 'રિયલ-ટાઇમ ફાઈનાન્સ'ના નવા સ્તર પર પહોંચવા જઈ રહ્યું છે.

NSEની સ્પીડ હવે 1000 ગણી વધશે

NSEમાં 11 એપ્રિલથી NSE સેકન્ડમાં 10 કરોડ ટ્રાન્ઝેક્શન પ્રોસેસ કરી શકશે, સૌથી મોટું અપગ્રેડ

February 23, 2026 | 17:10 IST