પરંપરા સાથે ફેશન: આ વર્ષે આ લુક છે ટ્રેન્ડમાં

રક્ષાબંધનમાં બહેન ઈચ્છે છે કે, આ દિવસે તે ખાસ અને સુંદર દેખાય. આધુનિકતાના યુગમાં પણ પરંપરાગત વસ્ત્રોની મહેક ઓછી થઈ નથી. દર વર્ષે નવા ફેશન ટ્રેન્ડ્સ સાથે પારંપરિક વસ્ત્રોને પણ નવી ઓળખ મળે છે. ચાલો જોઈએ કે, 2025ના રક્ષાબંધન માટે બહેનો માટે ક્યા કપડાં ટ્રેન્ડિંગમાં છે.

આધુનિક ટચ સાથે એથનિક લુક

ફ્યુઝન શરારા સેટ્સ - શરારા પેન્ટ અને કોર્ટ ટોપ સાથેનું કોમ્બિનેશન ખાસ કરીને યુવાન દીકરીઓમાં ખૂબ જ લોકપ્રિય છે. તમે મિરર વર્કવાળું કોર્ટ પણ પહેરી શકો છો.

ઇન્ડો-વેસ્ટર્ન ગાઉન - અનારકલી ગાઉન જે વેસ્ટર્ન ડ્રેપમાં હોય તે રક્ષાબંધન માટે સરળ અને એલીગન્ટ વિકલ્પ છે. તેમાં પણ પેસ્ટલ શેડ્સ અને લાઇટ એમ્બ્રોઈડરી તેમાં ચાર-ચાંદ લગાવી દેશે.

પ્લાઝો અને કુરતી વિથ બેલ્ટ - આ લુક આજ-કાલ ખૂબ જ ટ્રેન્ડમાં છે. પ્લાઝો સાથે ફ્લેર કુરતી અને કમરના ભાગે કમરબંધ (ફેબ્રિક બેલ્ટ) પહેરો.

વેસ્ટર્ન લેન્ગા ચોલી - દુપટ્ટા સાથે લેન્ગા ચોલી તો ફેશન બુકમાં ખાસ સ્થાન ધરાવે છે. તે તમારા લુકમાં નવતરતાનો ઉમેરો કરે છે.

પરંપરાગત લુક

અનારકલી સુટ - ફ્લેરી અનારકલી આજની તારીખે પણ છોકરીઓ માટે ક્લાસિક પસંદગી છે. તેમાં પણ ગોટા પત્તી, જરદોસી અથવા બાંધણી વર્ક ખાસ પસંદ છે.

ઘાઘરા ચોળી - ખાસ કરીને ગુજરાત અને રાજસ્થાનમાં ઘાઘરા ચોળી પરંપરાગત પહેરવેશ છે. દાઢીકા મોતી, મિરર વર્ક અને તપકા પ્રિન્ટ લોકપ્રિય છે.

સાડી –  નવ વિવાહિત યુવતીઓ માટે સાડી પહેલી પસંદ હોય છે. આ સાડીઓ પરંપરાગત લુક સાથે કોમ્પેક્ટ સ્ટાઈલ આપે છે.

પટિયાલા શૂટ - જે છોકરીઓ સરળ અને કમ્ફર્ટેબલ કપડાં પસંદ છે તેમની માટે પટિયાલા ડ્રેસ કે સીધી કટ કુરતી બેસ્ટ છે.

એક્સેસરીઝ અને મેકઅપ ટિપ્સ

મોટા ઝુમકા કે ચાંદીના ઓક્સિડાઇઝ્ડ ઘરેણા પરંપરાગત લુક આપે છે.

લાઇટ મેઈકઅપ સાથે બ્રાઈટ લિપસ્ટિકનો ટચ આપો.

મોઢાં ઉપર એક નાની બિન્દી એક પર્સનલ ટચ આપે છે.