ઈન્ટરનેશનલ લેફ્ટ હેન્ડેડ દિવસ: આ લોકો કેમ છે ખાસ?

દુનિયાની અંદાજે માત્ર 10% વસ્તી ડાબા હાથેથી કામ કરતી હોય છે, અને તે માટે 13 ઓગસ્ટે દર વર્ષે 'ઈન્ટરનેશનલ લેફ્ટ હેન્ડેડ દિવસ' ઉજવવામાં આવે છે. આ દિવસે પ્રથમવાર 1992માં યુનાઈટેડ કિંગડમની લેફ્ટ હેન્ડેર્સ કલબ દ્વારા મનાવવામાં આવ્યો હતો. આજનો દિવસ ડાબોડીઓને રોજિંદા જીવનમાં પડતી મુશ્કેલીઓ, જેમ કે, ડાબોડી માટે યોગ્ય ડેસ્ક, ટૂલ્સ અને ગેજેટ્સ જેવી સુવિધાઓ માટે જાગૃતિ લાવવાનો હેતુ ધરાવે છે.

શું તમે જાણો છો?

વિશ્વના માત્ર 10 ટકા લોકો ડાબોડી છે. તેમ છતાં, આ અલ્પ સમૂહે શતાબ્દીઓથી વૈજ્ઞાનિકો, કલાકારો અને ઈતિહાસકારો આપ્યા છે. લિયોનાર્ડો દા વિન્ચીથી લઈને અમિતાભ બચ્ચન સુધી અને સચિન તેન્ડુલકરથી રજનીકાંત સુધી અનેક પ્રસિદ્ધ વ્યક્તિઓ ડાબા હાથે કાર્ય કરતા હતા અને આજે પણ કરે છે.

ડાબોડીઓ કેમ ખાસ છે?

ડાબો હાથ ફક્ત લખવા માટે નથી પરંતુ એ એક અલગ રીતે વિચારવાની અને વર્તવાની રીત છે. ડાબોડી લોકોને ઘણીવાર તેમની અનન્ય સ્થિતિને કારણે નવી રીતો શોધવી પડે છે, જેના કારણે તેમની સર્જનાત્મકતા અને પ્રોબ્લેમ-સોલ્વિંગ સ્કિલ્સ વધુ મજબૂત બની શકે છે. સંશોધન બતાવે છે કે, તેઓ જમણા મગજનો વધારે ઉપયોગ કરે છે, જે દૃશ્ય અને કલાત્મક ક્ષમતાઓ સાથે જોડાયેલું છે.

ચોંકાવવાની ક્ષમતા

ડાબોડી લોકો માટે “સાઉથપાવ” શબ્દ વપરાય છે, જે બેસબોલમાંથી આવ્યો છે.

બિલ ગેટ્સ, બરાક ઓબામા, રતન ટાટા, સચિન તેન્ડુલકર અને અમિતાભ બચ્ચન જેવા દિગ્ગજો પણ ડાબોડી છે.

ક્રિકેટ, બોક્સિંગ, ટેનિસ જેવા રમતોમાં ડાબેડીઓની સ્પર્ધકોને ચોંકાવવાની ક્ષમતા હોય છે.

ઈન્ટરનેશનલ લેફ્ટ હેન્ડેડ દિવસ માત્ર એક સામાન્ય ઉજવણી નથી પરંતુ એ સમય છે એવી દુનિયા બનાવવા માટે જે ડાબોડી  લોકો માટે સહાનુભૂતિપૂર્ણ અને સુવિધાજનક હોય. શાળાઓ, ઓફિસ અને જાહેર સ્થળોએ ડાબોડી લોકો માટે યોગ્ય વ્યવસ્થા હોય એ ખૂબ જરૂરી છે.