યુસુફ પઠાણ હવે શું કરશે..? મમતાની વાત માનશે કે પછી..?

તૃણમૂલ કોંગ્રેસ (TMC) એ કેન્દ્ર સરકારના આતંકવાદ વિરોધી પ્રતિનિધિમંડળમાં જોડાવાનો ઇનકાર કર્યો છે અને કહ્યું છે કે ભૂતપૂર્વ ક્રિકેટર અને સાંસદ યુસુફ પઠાણ આ પ્રતિનિધિમંડળનો ભાગ રહેશે નહીં, જે તાજેતરના આતંકવાદી હુમલાઓ પછી આંતરરાષ્ટ્રીય સમર્થન મેળવવા માટે મોકલવામાં આવી રહ્યું છે.

સાંસદ યુસુફ પઠાણનું નામ યાદીમાં સામેલ હતું, પરંતુ સૂત્રોના જણાવ્યા અનુસાર, તેઓ પણ હવે આ પ્રવાસ પર જશે નહીં, મીડિયા રિપોર્ટ્સ અનુસાર, ટીએમસીએ કેન્દ્ર સરકારને આ અંગે જાણ કરી છે.

તે જ સમયે, સરકારે ટીએમસી સાંસદ સુદીપ બંદોપાધ્યાયને સર્વપક્ષીય પ્રતિનિધિમંડળમાં જોડાવા માટે આમંત્રણ આપ્યું હતું, પરંતુ ટીએમસી સાંસદે તેમાં જોડાવાનો ઇનકાર કરી દીધો હતો.

ઉલ્લેખનીય છે કે આતંકવાદ, પહેલગામ આતંકવાદી હુમલો અને ઓપરેશન સિંદૂર સામે શૂન્ય સહિષ્ણુતાની નીતિ પર વિશ્વના દેશો સમક્ષ ભારતનો પક્ષ રજૂ કરવા માટે એક સર્વપક્ષીય પ્રતિનિધિમંડળની જાહેરાત કરવામાં આવી છે. સરકાર વિવિધ દેશોની મુલાકાત માટે સાત પ્રતિનિધિમંડળો મોકલશે, દરેક પ્રતિનિધિમંડળમાં છ થી સાત સાંસદો હશે.