આ બાબાને જોઈને તમે ચોંકી જશો...50 વર્ષથી કાંટાના ઢગલા પર કરે છે તપસ્યા?

પ્રયાગરાજ: પ્રયાગરાજમાં મહાકુંભ મેળો શરુ થઈ ગયો છે. મહાકુંભમાં પવિત્ર સ્નાન કરવા માટે ગુજરાતમાંથી જ નહીં પરંતુ, દેશ-વિદેશથી શ્રદ્ધાળુઓ પ્રયાગરાજ પહોંચી રહ્યા છે. શ્રદ્ધાળુઓ મહાકુંભમાં સ્નાન કરીને પવિત્રતા અનુભવી રહ્યા છે. ત્યારે મહાભારતની કથા તો તમને ખબર જ છે કુરુક્ષેત્રના મેદાનમાં બાણ શૈયા પર ભીષ્મ પિતામહ હતા તેમ આ બાવાજી કાંટાની શૈયા પર સૂતા છે. 

હવે 'કાંટે વાલે બાબા' ઈન્ટરનેટ પર ખૂબ વાઈરલ થઈ રહ્યા છે. તેમનું નામ રમેશ કુમાર માંઝી છે અને સાધના કરવા માટે પોતાના અનોખા અંદાજના કારણે મહાકુંભમાં આકર્ષણનું કેન્દ્ર બની ગયા છે. આ બાબા કાંટાની પથારી પર જ સાધના કરે છે અને તેથી જ તેમને 'કાંટે વાલે બાબા' નું નામ આપવામાં આવ્યું છે. તેઓ ગત 50 વર્ષોથી દર વર્ષે આ પ્રકારે સાધના કરે છે અને તેમનું કહેવું છે કે, 'આ કાંટાથી તેમને નુકસાન નથી થતું. હું ગુરૂની સેવા કરૂ છું. ગુરૂએ અમને જ્ઞાન આપ્યું, આશીર્વાદ આપ્યા. હવે તમામ ભગવાનની મહિમા છે, જે આવું કરવામાં મદદ કરે છે. હું છેલ્લાં 40 થી 50 વર્ષોથી આવું કરી રહ્યો છું.'

બાબાના જણાવ્યા અનુસાર, તેઓ ઉજ્જૈન, હરિદ્વાર, નાસિક અને ગંગાસાગર પણ જાય છે અને કાંટાની પથારી પર સૂવાથી તેમને ફાયદો થાય છે. બાબાએ આ વિશે વધુમાં જણાવ્યું કે, "હું આવું એટલા માટે કરું છું, કેમ કે એથી મને શારીરિક લાભ મળે છે. તેનાથી મને કોઈ તકલીફ નથી થતી. મને દિવસભર સહાયક શ્રમ મળતા છે, જેમાંથી એક હજાર રૂપિયાનું લાભ મળે છે. જે દક્ષિણા મળી રહી છે તેનો અડધો ભાગ હું જન્માષ્ટમીના દિવસે દાન કરી દઈશ અને બાકીનો ખર્ચ હું પોતાને માટે રાખી લઉં છું."