કોણ છે AIADMK ના Palaniswami, જેમના પર ભાજપે વિશ્વાસ દર્શાવ્યો?

ભારતીય જનતા પાર્ટી (BJP) અને ઓલ ઈન્ડિયા અન્ના દ્રવિડ મુનેત્ર કળગમ (AIADMK) આગામી તમિલનાડુ વિધાનસભા ચૂંટણીમાં સાથે મળીને ચૂંટણી લડશે. આ અંગે બંને પક્ષો વચ્ચે ગઠબંધન થઈ ગયું છે. શુક્રવારે કેન્દ્રીય ગૃહમંત્રી અમિત શાહે જાહેરાત કરી હતી કે તમિલનાડુમાં ફરીથી NDA ની સરકાર બનશે. આગામી ચૂંટણીમાં NDA બહુમતીથી જીતશે અને તેમણે એ પણ સ્પષ્ટ કર્યું કે NDA Palaniswami  નેતૃત્વમાં તમિલનાડુ વિધાનસભા ચૂંટણી લડશે. ત્યારે હવે સવાલ એ ઉઠે છે કે આખરે Palaniswami કોણ છે? 

કોણ છે Edappadi Palaniswami?

Palaniswami નું પૂરું નામ Edappadi Palaniswami છે, જેમને ઈપીએસ તરીકે પણ ઓળખવામાં આવે છે.

Palaniswami નો જન્મ 12 મે 1954 ના રોજ સેલમ જિલ્લાના સિલુવમપલયમમાં થયો હતો. તેમના પિતાનું નામ કરુપ્પા ગૌંડર અને માતાનું નામ થવલિયામ્મલ છે. તેમના પિતા ખેતીકામ કરતા હતા.

Palaniswami જ્યારે કોલેજમાં બીએસસીનો અભ્યાસ કરી રહ્યા હતા, તે દરમિયાન તેઓ વિદ્યાર્થી સંઘ સાથે જોડાયા હતા.

હાલમાં Palaniswami તમિલનાડુ વિધાનસભામાં વિપક્ષના નેતા છે. વર્ષ 2017 થી 2021 સુધી તેઓ તમિલનાડુના 7 મા CM તરીકે કાર્ય કરી ચૂક્યા છે. આ ઉપરાંત Palaniswami હાલમાં AIADMK ના જનરલ સેક્રેટરી છે.

વર્ષ 2017 થી 2022 સુધી Palaniswami AIADMK ના સંયુક્ત સંયોજક હતા. વર્ષ 2014 થી 2022 સુધી તેઓ AIADMK ના મુખ્યાલય સચિવ રહી ચૂક્યા છે. જ્યારે વર્ષ 2011 થી જ Palaniswami વિધાનસભા બેઠકથી ધારાસભ્ય પણ છે.

વર્ષ 2011 માં જ્યારે AIADMK એ તમિલનાડુમાં જીત મેળવી હતી, ત્યારે જયલલિતાએ Palaniswami ને મંત્રીમંડળમાં સામેલ કર્યા હતા.

2016 માં થયેલી વિધાનસભા ચૂંટણીમાં જ્યારે AIADMK ફરીથી જીતી ત્યારે તેમને લોક નિર્માણ મંત્રાલયનો વધારાનો હવાલો પણ સોંપવામાં આવ્યો હતો.

વર્ષ 1998 માં થયેલી લોકસભા ચૂંટણીમાં Palaniswami એ તિરુચંગોડે લોકસભા બેઠક પરથી જીત નોંધાવી હતી.