ઉરી, પુલવામા, પહેલગામ... 'ઓપરેશન સિંદૂર'માં રો એજન્ટ અજીત ડોવાલની ભૂમિકા શું હતી?

ભારતે પહેલગામમાં થયેલા આતંકી હુમલાનો બદલો લેતા પાકિસ્તાનમાં 9 આતંકી ઠેકાણાંને તબાહ કરી દીધા છે. એરફોર્સે મંગળવારે મધરાત્રે 1 વાગ્યાને 5 મિનિટે પાકિસ્તાન અને POK એટલે કે પાક અધિકૃત કાશ્મીરની અંદર એર સ્ટ્રાઈક કરી હતી. આ હુમલામાં 100 થી વધુ આતંકવાદીઓ માર્યા ગયા છે. નોંધનીય છે કે ભારતે આ જવાબી કાર્યવાહી 15 દિવસ બાદ કરી છે. આર્મીએ આ ઓપરેશનને 'ઓપરેશન સિંદૂર' નામ આપ્યું છે. સેનાએ આ નામ ખૂબ જ વિચારીને આપ્યું છે. પહેલગામ હુમલામાં 22 એપ્રિલના રોજ આતંકવાદીઓએ ફક્ત પુરુષોને જ નિશાન બનાવ્યા હતા. આથી સેનાએ આ નામ મહિલાઓને સમર્પિત કર્યું છે.

'ઓપરેશન સિંદૂર'માં પણ ડોવાલની મહત્વની ભૂમિકા...

કાર્યવાહી બાદ બુધવારે સવારે થયેલી કેબિનેટ બેઠકમાં પણ PM એ ઓપરેશન માટે ત્રણેય સેનાઓની પ્રશંસા કરી હતી. 'ઓપરેશન સિંદૂર' પર તેમણે કહ્યું હતું કે આ નવું ભારત છે. આખો દેશ આપણી તરફ જોઈ રહ્યો હતો. આ તો થવાનું જ હતું. PM મોદી આખી રાત 'ઓપરેશન સિંદૂર'નું મોનિટરિંગ કરતા રહ્યા હતા. આ સમગ્ર ઓપરેશનમાં NSA અજીત ડોવાલની મહત્વની ભૂમિકા રહી હતી. NSA અજીત ડોવાલ 2014 થી ભારતના રાષ્ટ્રીય સુરક્ષા સલાહકાર છે. આ પહેલાં તેઓ રો એજન્ટ તરીકે પાકિસ્તાન સહિત અનેક દેશોમાં મિશન પર રહી ચૂક્યા છે. તો ચાલો જાણીએ NSA અજીત ડોવાલે 'ઓપરેશન સિંદૂર' ઉપરાંત ઉરી અને પુલવામા આતંકી હુમલાનો બદલો લેવામાં કેવી મહત્વપૂર્ણ ભૂમિકા ભજવી હતી.

પાકિસ્તાનમાં 7 વર્ષ રો એજન્ટ રહ્યા ડોવાલ...

અજીત ડોવાલ લગભગ 7 વર્ષ સુધી પાકિસ્તાનમાં રો એજન્ટ રહ્યા છે. તેનો ઉલ્લેખ તેમણે એક કાર્યક્રમમાં કર્યો હતો. જ્યાં તેઓ મુસ્લિમ બનીને રહ્યા હતા. તેનો એક કિસ્સો શેર કરતા તેમણે કહ્યું હતું કે, પાકિસ્તાનમાં એક વૃદ્ધે તેમને પૂછ્યું હતું કે શું તેઓ હિન્દુ છે? તેના જવાબમાં ડોવાલે કહ્યું હતું કે તેઓ હિન્દુ નથી. તેના પર મુસ્લિમો તેમને પકડીને એક ઘરમાં લઈ ગયા. ત્યાં તેમણે કહ્યું કે તમારા કાન વીંધેલા છે. કાન હિન્દુઓના વીંધેલા હોય છે. ત્યારે મેં કહ્યું કે હું બાદમાં કન્વર્ટ થયો છું. તેમણે કહ્યું કે, તમે બાદમાં પણ કન્વર્ટ થયા નથી. તે વૃદ્ધે ડોવાલને કહ્યું કે મેં તમને આવું એટલા માટે કહ્યું કારણ કે હું પણ હિન્દુ છું. અહીં આવી રીતે ફરવું ઠીક નથી. તે વૃદ્ધ વ્યક્તિએ કહ્યું કે, આ લોકોએ મારો આખો પરિવાર ખતમ કરી નાખ્યો. તમને લોકોને જોઈને સારું લાગે છે.

નોંધનીય છે કે, NSA અજીત ડોવાલ 'ઓપરેશન સિંદૂર' ઉપરાંત ઉરી અને પુલવામા જેવા હુમલાઓ બાદ થયેલા એર અને સર્જિકલ સ્ટ્રાઈકમાં મહત્વની ભૂમિકા ભજવી ચૂક્યા છે. તેમણે સેના અને ગુપ્તચર એજન્સીઓ વચ્ચે તાલમેલ બેસાડીને આતંકવાદીઓના લોન્ચ પેડ્સ પર હુમલા કરાવ્યા હતા. આ ડોવાલની રણનીતિનું જ કમાલ હતું કે ભારતે સતત ત્રીજી વખત પાકિસ્તાનમાં ઘૂસીને આતંકવાદીઓનો સફાયો કર્યો છે.