Mahakumbh : ગૃહમંત્રી અમિત શાહે સંગમમાં લગાવી ડૂબકી, બાબા રામદેવ અને CM યોગી પણ હતા હાજર

ગૃહમંત્રી અમિત શાહ મહાકુંભમાં પહોંચ્યા અને સંગમમાં ડૂબકી લગાવી છે. આ પ્રસંગે તેમની સાથે CM યોગી, સ્વામી રામદેવ અને સંતો-મુનિઓ પણ હાજર હતા. અમિત શાહ, CM યોગી અને સ્વામી રામદેવના સ્નાનનો વીડિયો પણ સામે આવ્યો છે, જેમાં તેઓ સંગમમાં સ્નાન કરતા જોવા મળે છે.

અત્યાર સુધીમાં કેટલા લોકોએ સ્નાન કર્યું છે?

27 જાન્યુઆરીએ લખાય છે ત્યાં સુધી 60.19 લાખથી વધુ લોકોએ સંગમમાં સ્નાન કર્યું હતું. મહાકુંભની શરૂઆતથી લઈને 26 જાન્યુઆરી સુધી 13.21 કરોડથી વધુ લોકોએ મહાકુંભમાં સ્નાન કર્યું છે. અમિત શાહના સંગમ સ્નાન પહેલા પણ CM યોગીએ તેમની કેબિનેટ સાથે મહાકુંભની મુલાકત લીધી હતી. આ દરમિયાન CM યોગીએ તેમના મંત્રીઓ સાથે સંગમમાં સ્નાન કર્યું હતું.

CM યોગીએ સ્નાન કર્યા પહેલા કેબિનેટ બેઠક યોજી હતી...

આ દરમિયાન, સ્નાન કરતા પહેલા, સીએમ યોગીએ કેબિનેટની બેઠક પણ કરી હતી, જેમાં ઘણા મહત્વપૂર્ણ નિર્ણયો લેવામાં આવ્યા હતા. આ નિર્ણયોમાં ત્રણ જિલ્લાઓ (બાગપત, કાસગંજ અને હાથરસ) માટે નવી મેડિકલ કોલેજો ખોલવી, પ્રયાગરાજ, વારાણસી, આગ્રા મ્યુનિસિપલ કોર્પોરેશન માટે બોન્ડ જારી કરવા, યુવાનોને સ્માર્ટફોન અને ટેબલેટ આપવાની વાત, બુંદેલખંડ એક્સપ્રેસવેને ગંગા એક્સપ્રેસવે સાથે જોડવાની વાત સામેલ છે. ચિત્રકૂટને ગંગા એક્સપ્રેસ વે સાથે જોડવાની વાત, નવી એરોસ્પેસ સંરક્ષણ નીતિ બનાવવાની વાત અને યમુના નદી પર મહાકુંભને ધ્યાનમાં રાખીને પ્રયાગરાજના વિકાસની વાત. અન્ય સિગ્નેચર બ્રિજની પણ વાત છે.

અખિલેશ યાદવે પણ 26 મી જાન્યુઆરીએ સ્નાન કર્યું હતું...

26 જાન્યુઆરીએ મહાકુંભ મેળામાં પહોંચ્યા બાદ સમાજવાદી પાર્ટીના વડા અખિલેશ યાદવે પણ સંગમમાં સ્નાન કર્યું હતું. આનો એક વીડિયો પણ સામે આવ્યો છે. અખિલેશના આ સ્નાનની રાજકીય વર્તુળોમાં ચર્ચા થઈ રહી હતી. વાસ્તવમાં અખિલેશ યાદવે મહાકુંભના આંકડા પર સવાલ ઉઠાવ્યા હતા. અખિલેશ યાદવે મહાકુંભને લઈને પ્રેસ કોન્ફરન્સમાં કહ્યું હતું કે સરકારના દરેક ડેટા નકલી છે. તેમણે કહ્યું હતું કે, કેટલીક ટ્રેનો ખાલી જઈ રહી છે. એવું પણ સાંભળવા મળ્યું છે કે ગોરખપુર જતી ટ્રેન ખાલી થઈ ગઈ છે. મુખ્ય વાત એ છે કે ભાજપનો દરેક ડેટા નકલી છે.