આજે પૂર્વ PM અટલજીની 100મી જન્મજયંતિ

 ભારત રત્ન અટલ બિહારી વાજપેયી દેશના સૌથી લોકપ્રિય રાજનીતિજ્ઞ પૈકીના અગ્રણી હતા. અટલ બિહારી વાજપેયીનો જન્મ દિવસ 25, ડિસેમ્બર. પ્રધાનમંત્રી નરેન્દ્ર મોદીએ દર વર્ષે ભારત રત્ન અટલ બિહારી વાજપેયીના દેશ નિર્માણના યોગદાન માટે સુશાસન દિવસ જાહેર કર્ચો છે. જેના થકી દેશ અટલ બિહારી વાજપેયીના દેશ નિર્માણ માટેના વિચારો અને યોગદાનને યાદ કરી દેશ નિર્માણમાં જોડી શકાય. 

અટલ બિહારી વાજપેયી દેશના સૌથી ચહિતા રાજકારણી, કવિ અને પ્રખર વક્તા હતા. અટલ બિહારી વાજપેયી દેશના 10માં વડાપ્રધાન હતા. જેઓ એ વિવિધ ત્રણ સત્ર દરમિયાન દેશના પ્રધાનમંત્રી તરીકે નેતૃત્વ કર્યું હતુ. પોતાની પાંચ દાયકાથી વધુ સમયની રાજકીય જીવન યાત્રા દરમિયાન અટલ બિહારી વાજપેયી કુલ નવ વખત લોકસભાના સાંસદ અને બે ટર્મ રાજ્યસભાના સભ્ય પદે રહ્યા હતા. અટલ બિહારી વાજપેયી 1996માં ગાંધીનગર લોકસભા બેઠકથી ચૂંટણી લડીને સાંસદ બન્યા હતા અને દેશના સિમિત સમય માટે વડાપ્રધાન બન્યા હતા. ગુજરાત સાથે અટલ બિહારી વાજપેયીનો સંબંધ અનેરો રહ્યો હતો. અટલ બિહારી વાજપેયી ગુજરાતની મુલાકાતોનો સિલસિલો જનસંઘની રચના પહેલાથી રહ્યો હતો. 1960માં પહેલી વાર જનસંઘે ગુજરાતની બોટાદ અને માણાવદર ખાતે બહુમતી પ્રાપ્ત મળવાથી અટલ બિહારી વાજપેયી ખુશ થયા હતા. 1968માં કચ્છના છડા બેટ પાકિસ્તાનને સોંપવાના નિર્ણય સામે અન્ય જનસંઘના સાથીઓ સાથે અટલ બિહારી વાજપેયી પણ હતા. અટલ બિહારી વાજપેયી ત્યારે કચ્છના નાના ગામમાં ફરી પોતાની વકૃત્વ કળાથી ગ્રામવાસીઓને જાગૃત કર્યા હતા,

ચાલો જાણીએ વાજપેયીના એવા 10 કાર્યો જેના માટે આવનારી પેઢીઓ તેમને હંમેશા યાદ રાખશે.

અટલ બિહારી વાજપેયીએ 1999માં ટેલિકોમ્યુનિકેશન સેક્ટરમાં ક્રાંતિ લાવી હતી. તેમણે BSNLની ઈજારાશાહીનો અંત લાવ્યો. નવી ટેલિકોમ પોલિસી લાગુ કરી હતી. આનાથી સામાન્ય લોકોને સસ્તા ફોન કોલ કરવાની તક મળી. જોકે રાજીવ ગાંધીને ટેલિકોમ્યુનિકેશન ક્રાંતિના પિતા માનવામાં આવે છે, પરંતુ તેને સામાન્ય લોકો સુધી પહોંચાડવાનો શ્રેય અટલજીને જાય છે.

પૂર્વ વડાપ્રધાન અટલ બિહારી વાજપેયીએ બાળકોના શિક્ષણ માટે મોટું પગલું ભર્યું હતું. તેમણે 2000-01માં સર્વ શિક્ષા અભિયાન શરૂ કર્યું હતું. આ અભિયાનનો ઉદ્દેશ્ય 6થી 14 વર્ષની વયના તમામ બાળકોને મફત શિક્ષણ આપવાનો હતો. વાજપેયીએ બાળકોના ભવિષ્યને સુધારવા માટે આ મહત્ત્વપૂર્ણ યોજના અમલમાં મૂકી હતી.

પૂર્વ વડાપ્રધાન અટલ બિહારી વાજપેયીએ ભારત અને પાકિસ્તાન વચ્ચેના સંબંધો સુધારવા માટે દિલ્હી-લાહોર બસ સેવા શરૂ કરી હતી. આ સેવા ફેબ્રુઆરી 1999 માં શરૂ થઈ હતી. વાજપેયી પોતે પહેલી બસ દ્વારા લાહોર ગયા હતા. ત્યાં તેઓ પાકિસ્તાનના વડાપ્રધાન નવાઝ શરીફને મળ્યા હતા. બંને નેતાઓએ 'લાહોર દસ્તાવેજ' પર સાઈન કરી હતી. વાજપેયીજી હંમેશા પાકિસ્તાન સાથે સારા સંબંધો ઈચ્છતા હતા. આ બસ સેવાની શરૂઆત આ વિચારને પ્રતિબિંબિત કરે છે. દિલ્હી-લાહોર બસ સેવા બંને દેશોના લોકોને નજીક લાવવાનો પ્રયાસ હતો.

વાજપેયી માનતા હતા કે દેશની સુરક્ષા સૌથી મહત્ત્વપૂર્ણ છે. તે માટે મે 1998માં પોખરણમાં પરમાણુ પરીક્ષણ કરવામાં આવ્યું હતું. 1974 પછી ભારતનું આ પ્રથમ પરમાણુ પરીક્ષણ હતું. અટલજીના નેતૃત્વમાં ભારતે આ મહત્ત્વપૂર્ણ પગલું ભર્યું છે. તેમનું માનવું હતું કે આપણી પાસે આપણી સુરક્ષાનો સંપૂર્ણ અધિકાર છે.

સુવર્ણ ચતુર્ભુજ રોડ પ્રોજેક્ટ (કનેક્ટિંગ ઈન્ડિયા) નો શ્રેય પણ પૂર્વ વડાપ્રધાન અટલ બિહારી વાજપેયીને જાય છે. તેમણે દેશને એક કરવા માટે રસ્તાઓનું નેટવર્ક બિછાવવાનો મહત્ત્વનો નિર્ણય લીધો હતો, જેને સુવર્ણ ચતુર્ભુજ રોડ પ્રોજેક્ટ નામ આપવામાં આવ્યું હતું. તેમણે ચેન્નાઈ, કોલકાતા, દિલ્હી અને મુંબઈને જોડવા માટે સુવર્ણ ચતુર્ભુજ રોડ પ્રોજેક્ટ અમલમાં મૂક્યો. આજે આખો દેશ તેનો લાભ ઉઠાવી રહ્યો છે.

અટલ બિહારી વાજપેયીએ તેમના કાર્યકાળ દરમિયાન દેશમાં ખાનગીકરણને પ્રોત્સાહન આપ્યું હતું. વાજપેયીએ તેમની સરકારમાં 1999માં ડિસઈન્વેસ્ટમેન્ટ મંત્રાલય તરીકે એક અનોખું મંત્રાલય બનાવ્યું હતું. અરુણ શૌરીને તેના મંત્રી બનાવવામાં આવ્યા. શૌરીના મંત્રાલયે, વાજપેયીના નેતૃત્વ હેઠળ, ભારત એલ્યુમિનિયમ કંપની (બાલ્કો), હિન્દુસ્તાન ઝિંક, ઇન્ડિયન પેટ્રોકેમિકલ્સ કોર્પોરેશન લિમિટેડ અને વિદેશ સંચાર નિગમ લિમિટેડ જેવી સરકારી કંપનીઓને વેચવાની પ્રક્રિયા શરૂ કરી હતી.

13 ડિસેમ્બર 2001ના રોજ આતંકવાદીઓએ ભારતીય સંસદ પર હુમલો કર્યો હતો. ભારતીય સંસદીય ઈતિહાસનો આ સૌથી કાળો દિવસ માનવામાં આવે છે. આ હુમલામાં અનેક સુરક્ષા જવાનો શહીદ થયા હતા. આ સમયગાળા દરમિયાન અટલ બિહારી વાજપેયી દેશના વડાપ્રધાન હતા. ભયાનક આતંકવાદી હુમલા પછી, વાજપેયી સરકારે પોટા કાયદો ઘડ્યો, જે ખૂબ જ કડક આતંકવાદ વિરોધી કાયદો છે, જે 1995ના ટાડા કાયદા કરતાં વધુ કઠોર માનવામાં આવતો હતો.

અટલના કાર્યકાળમાં બંધારણ સમીક્ષા પંચની રચના પણ કરવામાં આવી હતી. વાજપેયી સરકારે ફેબ્રુઆરી 2000માં બંધારણમાં સુધારો કરવાની જરૂરિયાત અંગે વિચારણા કરવા માટે એક સમિતિની બેઠક બોલાવી હતી. બંધારણ સમીક્ષા માટે રાષ્ટ્રીય આયોગની રચના કરવામાં આવી. આ કમિશનનો ભારે વિરોધ થયો હતો, જેના પછી વાજપેયી સરકાર બંધારણમાં સુધારાનું કામ આગળ નહતી વધારી શકી.

વર્ષ 1999 એચડી દેવગૌડા સરકારે જાતિવાર વસ્તી ગણતરી કરવાની મંજૂરી આપી હતી જેના કારણે 2001 માં જાતિની વસ્તી ગણતરી હાથ ધરવાની હતી. પરંતુ અટલ બિહારી વાજપેયી સરકારે આ નિર્ણય પલટી નાખ્યો હતો. જેના કારણે જાતિવાર વસ્તી ગણતરી થઈ શકી નથી.

15 ઓગસ્ટ 2003ના રોજ, અટલ બિહારી વાજપેયીએ લાલ કિલ્લા પરથી 'ચંદ્રયાન 1' ની જાહેરાત કરી. આ ભારતનું પ્રથમ ચંદ્ર મિશન હતું. ISRO એ તેને 22 ઓક્ટોબર 2008ના રોજ શ્રીહરિકોટાથી લોન્ચ કર્યું હતું. સ્વતંત્રતા દિવસ પર વાજપેયીએ આ મોટી જાહેરાત કરી હતી.