એર ઈન્ડિયા પ્લેન ક્રેશ બાદ તંત્ર સફાળું જાગ્યું, જુઓ સિવિલ એવિએશનના નવા નિયમો 

12 જૂને અમદાવાદમાં થયેલ એર ઈન્ડિયા પ્લેન ક્રેશે સમગ્ર વિશ્વને હમચાવીને મૂકી દીધું હતું. લંડન જતી એર ઈન્ડિયા બોઈંગ 787-8 ડ્રીમલાઇનર મેઘાણીનગરમાં આવેલ BJ મેડિકલ કોલેજની બિલ્ડિંગ પર ક્રેશ થયું હતું. ક્રેશમાં 241 લોકોનો ભોગ લેવાયો હતો. આ ભયંકર ઘટના પછી સિવિલ એવિએશને નવા અને વધુ સલામતીસભર નિયમો બહાર પાડ્યા છે. 

નવા નિયમ અંગે જાણકારી: 

18 જૂને એરક્રાફ્ટ રુલ 2025 નિયમ જાહેર કરવામાં આવ્યો જે સત્તાવાર ગેઝેટમાં સામેલ થયા બાદ પ્રકાશિત કરાશે. આ નિયમ અધિકારીઓને નિયુક્ત એરોડ્રોમ ઝોનમાં મર્યાદાથી વધુ ઊંચાઈની ઇમારતો અને વૃક્ષો સામે તાત્કાલિક કાર્યવાહી કરવાની સત્તા આપવાનો છે. ફ્લાઇટ પાથમાં આવતા આવરોધોના કારણે સંભવિત અકસ્માતો રોકવા આ નિયમને સક્રિય પગલાં તરીકે જોવામાં આવશે. 

નવા નિયમ પ્રમાણે નિર્ધારિત મર્યાદા ઊંચાઈનું ઉલ્લંઘન કરતી કોઈ પણ રચનાને એરોડ્રોમ ઇન્ચાર્જ અધિકારી દ્વારા નોટિસ પાઠવવામા આવી શકે છે. માલિકોએ 60 દિવસની અંદર માળખાના પરિમાણો અને સ્થળ યોજનાઓ સહિત વિગતવાર માહિતી સબમિટ કરવી આવશ્યક છે. તેનું પાલન કરવામાં નિષ્ફળતાના પરિણામે તોડી પાડવા અથવા ઊંચાઈ ઘટાડવા સહિતની કાર્યવાહી થઈ શકે છે. 

ભૌતિક ચકાસણી માટે માલીકને જાણ કર્યા પછી અધિકારીને દિવસે પરિસરમાં પ્રવેશ મેળવવાની સત્તા મળે છે. અહી  માલિકને અધિકારી સમક્ષ અપીલ કરવાનો અધિકાર રહેશે. અપીલમાં નિયત ફોર્મમાં સહાયક દસ્તાવેજો સાથે રૂ. 1000 ફી પેટે ચુકવવાના રહેશે. 

સિવિલ એવિએશન દ્વારા જાહેરનામાના પ્રકાશનના વીસ દિવસની અંદર જાનતા પાસેથી વાંધા અને સૂચનો મંગાવ્યા છે. જનતા તેમના પ્રતિભાવો સિવિલ એવિએશનના ડિરેક્ટરને મોકલી શકે છે.