જમ્મુ-કાશ્મીરના કઠુઆ જિલ્લામાં આતંકવાદીઓનો આર્મી કેમ્પ પર ગોળીબાર

જમ્મુ-કાશ્મીરના કઠુઆ જિલ્લામાં આતંકવાદીઓએ આર્મી કેમ્પ પર ગોળીબાર કર્યો. ત્યાર બાદ સેનાએ શનિવારે મોટા પાયે સર્ચ ઓપરેશન શરૂ કર્યું છે. 

સંરક્ષણ મંત્રાલયના સૂત્રોના જણાવ્યા અનુસાર, શુક્રવારે મોડી રાત્રે કઠુઆના ભટોડી વિસ્તારમાં શંકાસ્પદ હિલચાલ જોવા મળી હતી. આ વિસ્તારમાં શંકાસ્પદ ગતિવિધિઓ બાદ સેનાએ ગોળીબાર કર્યો હતો. આ વિસ્તારમાં હવે મોટા પાયે સર્ચ ઓપરેશન શરૂ કરવામાં આવ્યું છે.

મીડિયા રિપોર્ટ્સ અનુસાર, શુક્રવારે મોડી રાત્રે આતંકવાદીઓએ આર્મી કેમ્પ પર ગોળીબાર કર્યા બાદ સુરક્ષા દળોએ કઠુઆ જિલ્લામાં મોટા પાયે સર્ચ ઓપરેશન શરૂ કર્યું છે.

અહેવાલ મુજબ, "કઠુઆ જિલ્લાના બિલ્લાવર તહસીલના ભટોડી ગામમાં સ્થિત આર્મી કેમ્પ પર આતંકવાદીઓએ ગોળીબાર કર્યો હતો. ત્યારબાદ સૈનિકોએ વળતો જવાબ આપ્યો અને આતંકવાદીઓ ભાગી ગયા. આ વિસ્તારને ઘેરી લેવામાં આવ્યો છે અને તેમને શોધવા માટે સઘન શોધખોળ શરૂ કરવામાં આવી છે. આતંકવાદીઓની શોધખોળ અભિયાન શરૂ કરવામાં આવ્યું છે.

આ ઘટના પ્રજાસત્તાક દિવસની ઉજવણીના એક દિવસ પહેલા બની હતી. પ્રજાસત્તાક દિવસને ધ્યાનમાં રાખીને જમ્મુ-કાશ્મીરમાં સુરક્ષા વ્યવસ્થા કડક કરવામાં આવી છે. પ્રજાસત્તાક દિવસની મુખ્ય ઉજવણી જમ્મુના મૌલાના આઝાદ મેમોરિયલ સ્ટેડિયમ ખાતે યોજાશે.

તમને જણાવી દઈએ કે, રવિવારે લેફ્ટનન્ટ ગવર્નર મનોજ સિંહા રાષ્ટ્રધ્વજ ફરકાવશે અને પરેડની સલામી લેશે, જ્યારે મુખ્યમંત્રી ઓમર અબ્દુલ્લા મુખ્ય મહેમાન તરીકે હાજર રહેશે. ખીણમાં વિભાગીય સ્તરનો સમારોહ અને પરેડ શ્રીનગરના બક્ષી સ્ટેડિયમ ખાતે યોજાશે.

મુખ્ય પ્રજાસત્તાક દિવસની ઉજવણી માટે ધ્વજવંદન અને પરેડના સ્થળોની સુરક્ષા માટે જમ્મુ અને શ્રીનગર શહેરોમાં કડક સુરક્ષા વ્યવસ્થા કરવામાં આવી છે. જમ્મુના મૌલાના આઝાદ સ્ટેડિયમ અને શ્રીનગરના બક્ષી સ્ટેડિયમની આસપાસની બધી જ ઊંચી ઇમારતો સુરક્ષા દળોના શાર્પ શૂટરો દ્વારા કબજે કરવામાં આવી છે.

પ્રજાસત્તાક દિવસની ઉજવણીમાં રાષ્ટ્રવિરોધીઓ વિક્ષેપ ન પાડે તે માટે ઇલેક્ટ્રોનિક અને ડ્રોન દેખરેખ રાખવામાં આવી રહી છે.

—IANS