કાશ્મીરમાં પૂંછ જિલ્લામાં આતંકવાદીઓના કેમ્પનો ભંડાફોડ

કાશ્મીરના પૂંછ જિલ્લામાં સર્ચ ઓપરેશન દરમિયાન 5 IED મળી આવ્યા છે. એવું કહેવામાં આવી રહ્યું છે કે આતંકવાદીઓ કોઈ મોટું કાવતરું ઘડવાનો પ્રયાસ કરી રહ્યા હતા જેને નિષ્ફળ બનાવવામાં આવ્યું છે. આ અંગે માહિતી આપતાં પૂંછ પોલીસે જણાવ્યું કે આતંકવાદીઓ કંઈક મોટું કરવાની યોજના બનાવી રહ્યા હતા, એવું કહેવામાં આવી રહ્યું છે કે આ કાવતરું નિષ્ફળ બનાવવામાં આવ્યું છે.

ઉલ્લેખનીય છે કે કાશ્મીરના પહેલગામમાં થયેલા આતંકવાદી હુમલા બાદ સેના જમ્મુ-કાશ્મીરમાં સતત સર્ચ ઓપરેશન ચલાવી રહી છે. આ કવાયત દરમિયાન, સેનાએ પૂંછ જિલ્લાના સુરનકોટ વિસ્તારમાં એક આતંકવાદી ઠેકાણું શોધી કાઢ્યું છે, જ્યાંથી આ IED મળી આવ્યા છે.

બીજી તરફ શ્રીનગર સેન્ટ્રલ જેલ અને જમ્મુના કોટ બલવાલ જેવી જેલોમાં આતંકવાદી હુમલાના ઇનપુટ મળ્યા બાદ, સુરક્ષા દળોએ જેલોની સુરક્ષા વધારી દીધી છે. આ જેલોમાં ઘણા મોટા આતંકવાદીઓ અને OGW (ઓવર ગ્રાઉન્ડ વર્કર્સ) કેદ છે.

સૂત્રોનું કહેવું છે કે ગુપ્ત માહિતી અનુસાર, શ્રીનગર સેન્ટ્રલ જેલ અને જમ્મુમાં કોટ ભલવાલ જેવી જેલોમાં આતંકવાદી હુમલો થઈ શકે છે. આ જેલોમાં ઘણા મોટા (હાઇ પ્રોફાઇલ) આતંકવાદીઓ અને OGW કેદ છે. ગુપ્ત માહિતી મળ્યા બાદ, સુરક્ષા દળોએ આ તમામ જેલોની સુરક્ષા વધારી દીધી છે.

સૂત્રોએ એમ પણ જણાવ્યું હતું કે ઇનપુટ મળ્યા પછી, ડીજી સીઆઈએસએફ રવિવારે શ્રીનગરમાં સુરક્ષા ગ્રીડના ટોચના અધિકારીઓને મળ્યા હતા. અને સમીક્ષા બાદ, જેલોની સુરક્ષા વધારવામાં આવી છે.

તમને જણાવી દઈએ કે ઓક્ટોબર 2023 માં, CISF એ CRPF પાસેથી જમ્મુ અને કાશ્મીર જેલોની સુરક્ષા સંભાળી લીધી હતી.

તાજેતરમાં, રાષ્ટ્રીય તપાસ એજન્સી (NIA) એ પહેલગામ આતંકવાદી હુમલામાં કથિત સંડોવણી બદલ જમ્મુ જેલમાં બંધ બે OGW નિસાર અને મુશ્તાકની પૂછપરછ કરી હતી. બંને એપ્રિલ 2023 થી જમ્મુ જેલમાં બંધ છે. બંનેની 1 જાન્યુઆરી, 2023 ના રોજ રાજૌરી જિલ્લામાં થયેલા આતંકવાદી હુમલાના સંબંધમાં ધરપકડ કરવામાં આવી હતી, જેમાં બે બાળકો સહિત 7 નાગરિકો માર્યા ગયા હતા. હુમલાના બીજા દિવસે IED બ્લાસ્ટ થયો હતો.

27 એપ્રિલના રોજ જમ્મુમાં કેસ નોંધ્યા બાદ ફેડરલ કાઉન્ટર-ટેરરિઝમ ઇન્વેસ્ટિગેશન એજન્સીએ ઔપચારિક રીતે પહેલગામ હુમલાની તપાસ સંભાળી લીધી હતી. ત્યારથી, NIA ટીમો મહારાષ્ટ્ર, ઓડિશા અને પશ્ચિમ બંગાળ સહિત અનેક રાજ્યોમાં પીડિત પરિવારોના નિવેદનો નોંધી રહી છે.

તપાસ અધિકારીઓ માને છે કે મુશ્તાક અને નિસારને પહેલગામ હુમલાની પૂર્વ જાણકારી હતી અથવા તેમને યોજના બનાવવામાં મદદ મળી હતી અને તેમની પૂછપરછ તેમાં સામેલ વ્યાપક આતંકવાદી નેટવર્કને શોધવાના પ્રયાસોનો એક ભાગ છે.

આ પણ વાંચો--- પહેલગામ હુમલા બાદ ભારતની પાકિસ્તાન સામે કડક કાર્યવાહી

સમાચાર મેળવવા આજે જ અમારી WAHTSAPP ચેનલ સાથે જોડાવ