ભારતની સુરક્ષા અભેદ્ય, Pakistan ના હુમલાને સેનાએ આપ્યો જડબાતોડ જવાબ...

07-08 મે, 2025 ની રાત્રે પાકિસ્તાને અવંતીપુરા, શ્રીનગર, જમ્મુ, પઠાણકોટ, અમૃતસર, કપૂરથલા, જલંધર, લુધિયાણા, આદમપુર, ભટિંડા, ચંદીગઢ, નલ, ફલૌદી, ઉત્તરલાઈ અને ભુજ સહિત ઉત્તરી અને પશ્ચિમી ભારતમાં અનેક સૈન્ય ઠેકાણાઓ પર ડ્રોન અને મિસાઇલોથી હુમલો કરવાનો પ્રયાસ કર્યો હતો.

જો કે, ભારતીય સેનાએ US ગ્રીડ અને એર ડિફેન્સ સિસ્ટમ દ્વારા આ હુમલાઓને નિષ્ફળ બનાવ્યા હતા. આ હુમલાઓના કાટમાળ હવે અનેક સ્થળોએથી મળી રહ્યા છે, જે પાકિસ્તાની હુમલાઓની પુષ્ટિ કરે છે.

આજે સવારે ભારતીય સશસ્ત્ર દળોએ પાકિસ્તાનમાં અનેક સ્થળોએ એર ડિફેન્સ રડાર અને સિસ્ટમને નિશાન બનાવ્યા હતા. સૂત્રો અનુસાર, ભારતીય સેનાએ લાહોરમાં એક એર ડિફેન્સ સિસ્ટમને તબાહ કરી દીધી છે.

ભારતનો વળતો પ્રહાર...

ભારતે આ હુમલાનો જવાબ એ જ અંદાજમાં, એટલી જ તીવ્રતાથી અને એ જ ક્ષેત્રમાં આપ્યો છે. આજે સવારે ભારતીય સશસ્ત્ર દળોએ પાકિસ્તાનના અનેક એર ડિફેન્સ રડાર અને સિસ્ટમ્સને નિશાન બનાવ્યા છે. સમાચાર છે કે લાહોરની એક એર ડિફેન્સ સિસ્ટમ સંપૂર્ણપણે નિષ્ક્રિય કરી દેવામાં આવી છે.

તમને જણાવી દઈએ કે, ભારતે પહેલાથી જ સ્પષ્ટ કરી દીધું હતું કે તેણે પાકિસ્તાનના કોઈ સૈન્ય મુખ્યાલયને નિશાન બનાવ્યું નથી અને હજુ પણ ભારતનો હેતુ યુદ્ધને વધારવાનો નથી, પરંતુ જવાબ આપવાનો છે.

LOC પર ફરી ગોળીબાર...

સરહદ પર પણ સતત ગોળીબાર થઈ રહ્યો છે. કુપવાડા, બારામુલા, પૂંછ, મેંધર, રાજૌરી જેવા વિસ્તારોમાં પાકિસ્તાને મોર્ટાર અને હેવી આર્ટિલરીથી ગોળીબાર કર્યો છે. આ નાપાક ગોળીબારમાં ત્રણ મહિલાઓ અને પાંચ બાળકો સહિત 16 નિર્દોષ ભારતીય નાગરિકોના જીવ ગયા છે.

ભારતે આપ્યો જડબાતોડ જવાબ...

ભારતનો સંદેશ સ્પષ્ટ છે "અમે એસ્કેલેશન નથી ઇચ્છતા, પણ જવાબ આપતા આવડે છે." ભારતીય સેનાએ ફરી સ્પષ્ટ કર્યું છે કે ભારત યુદ્ધ નથી ઇચ્છતું. પરંતુ જો તેના સૈન્ય ઠેકાણાઓ અથવા નાગરિકો પર હુમલો થાય છે, તો ભારત જવાબ આપવામાં પાછળ નહીં હટે. આ જ કારણ છે કે LOC પર પાકિસ્તાનના ગોળીબારનો જડબાતોડ જવાબ આપવામાં આવી રહ્યો છે.