Rahul Gandhi નો સ્પષ્ટ સંદેશ, જાતિ ગણનાને સમર્થન, પણ સરકારને સમયમર્યાદાનો પડકાર!

કોંગ્રેસના નેતા રાહુલ ગાંધી (Rahul Gandhi)એ કેન્દ્ર સરકારના જાતિ જનગણનાના નિર્ણયનું સ્વાગત કર્યું છે અને સ્પષ્ટપણે કહ્યું છે કે તેઓ આ નિર્ણયનું સમર્થન કરે છે, પરંતુ સરકારે તેની સમયમર્યાદા જણાવવી જોઈએ. રાહુલ ગાંધીએ આ પણ કહ્યું કે તેની ડિઝાઇન તેઓ બનાવશે. લોકસભામાં વિપક્ષના નેતા અને કોંગ્રેસ સાંસદ રાહુલ ગાંધી (Rahul Gandhi)એ પાર્ટી મુખ્યાલયમાં પત્રકાર પરિષદને સંબોધતા કહ્યું કે, "અમે સંસદમાં કહ્યું હતું કે અમે જાતિ જનગણના કરાવીશું. અમે એ પણ કહ્યું હતું કે, અમે 50 ટકાની સીમા તોડીશું જે એક કૃત્રિમ દીવાલ હતી. મને ખબર નથી કે 11 વર્ષ પછી શું થયું જ્યારે કેબિનેટે જાતિ જનગણનાની જાહેરાત કરી, જ્યારે PM નરેન્દ્ર મોદી કહેતા હતા કે ફક્ત ચાર જાતિઓ છે."

રાહુલે મહત્વની વાત કહી...

તેલંગાણા જાતિ જનગણના માટે એક મોડેલ બની ગયું છે, જે એક માર્ગદર્શક નકશો હોઈ શકે છે. અમે સરકારને જાતિ જનગણનાની રૂપરેખા તૈયાર કરવાનો પ્રસ્તાવ આપીએ છીએ. એક બિહારની રૂપરેખા છે અને બીજી તેલંગાણાની, અને બંનેમાં મોટો તફાવત છે. અમે જાતિ જનગણના દ્વારા વિકાસનું એક નવું માળખું લાવવા માંગીએ છીએ. અમે કેન્દ્રને સંસ્થાઓ, સત્તા માળખાઓ વગેરેમાં ઓબીસી, દલિતો, આદિવાસીઓની ભાગીદારી વિશે આ સવાલ પૂછી રહ્યા છીએ.

પહેલગામ હુમલાના આતંકીઓને સજા મળવી જોઈએ...

નરેન્દ્ર મોદીએ હવે કાર્યવાહી કરવી પડશે, PM મોદી નક્કી કરશે કે કાર્યવાહી ક્યારે કરવી. પહેલગામના આતંકીઓને ચોક્કસ સજા મળવી જોઈએ. પહેલગામ હુમલામાં માર્યા ગયેલા લોકોને શહીદનો દરજ્જો આપવો જોઈએ. રાહુલ ગાંધીના આ નિર્ભીક નિવેદનો આગામી સમયમાં રાજકીય ગરમાવો લાવી શકે છે.