Rajasthan : '22 એપ્રિલના હુમલાનો હિસાબ 22 મિનિટમાં..., 'સિંદૂર' બારૂદ બનતા પાકિસ્તાન તબાહ...

PM નરેન્દ્ર મોદી ગુરુવારે રાજસ્થાન (Rajasthan)ના બિકાનેર ખાતે પહોંચ્યા હતા, જ્યાં તેમણે 'ઓપરેશન સિંદૂર'ની સફળતા બાદ પહેલીવાર જનસભાને સંબોધિત કરી હતી. આ રેલી પહેલાં, PM મોદીએ બિકાનેરના નાલ એરબેઝની મુલાકાત લીધી હતી અને 'ઓપરેશન સિંદૂર' દરમિયાન પાકિસ્તાનના ડ્રોન અને મિસાઈલ હુમલાઓને નિષ્ફળ બનાવવામાં મહત્વપૂર્ણ ભૂમિકા ભજવનાર વાયુસેનાના જાંબાઝ જવાનો સાથે મુલાકાત કરી હતી. 'ઓપરેશન સિંદૂર' પછી PM મોદીનો આ એરબેઝનો બીજો પ્રવાસ હતો, જે દેશની સુરક્ષા પ્રત્યેની તેમની પ્રતિબદ્ધતા દર્શાવે છે.

વિકાસ અને શૌર્યનો સંગમ : PM મોદી

જનસભાને સંબોધતા PM મોદીએ કરણી માતાના આશીર્વાદ લીધા અને જણાવ્યું કે, "કરણી માતાના આશીર્વાદથી વિકસિત ભારત બનાવવાનો અમારો સંકલ્પ વધુ મજબૂત બની રહ્યો છે." તેમણે 26 હજાર કરોડ રૂપિયાના વિકાસ કાર્યોના શિલાન્યાસ અને લોકાર્પણ બદલ દેશવાસીઓ અને રાજસ્થાન (Rajasthan)ના ભાઈ-બહેનોને અભિનંદન પાઠવ્યા. PM મોદીએ ભારપૂર્વક જણાવ્યું કે, વિકસિત ભારત માટે આધુનિક ઇન્ફ્રાસ્ટ્રક્ચરનું નિર્માણ થઈ રહ્યું છે, જેમાં છેલ્લા 11 વર્ષમાં રસ્તાઓ, એરપોર્ટ, રેલવે અને રેલવે સ્ટેશનોના આધુનિકીકરણ પર અભૂતપૂર્વ ગતિથી કામ થયું છે. તેમણે કહ્યું કે, "આજે દેશ ઇન્ફ્રાસ્ટ્રક્ચર પર 6 ગણો વધુ પૈસા ખર્ચ કરી રહ્યો છે." વંદે ભારત, અમૃત ભારત, નમો ભારત જેવી ટ્રેનો દેશની નવી ગતિ અને પ્રગતિનું પ્રતીક છે. દેશમાં લગભગ 70 રૂટ પર વંદે ભારત ટ્રેનો ચાલી રહી છે અને 34 હજાર કિલોમીટરથી વધુના નવા રેલ ટ્રેક બિછાવવામાં આવ્યા છે. દેશના પહેલા બુલેટ ટ્રેન પ્રોજેક્ટ પર પણ કામ ચાલી રહ્યું છે, અને લગભગ 1300 થી વધુ રેલવે સ્ટેશનોને આધુનિક બનાવવામાં આવી રહ્યા છે. તેમણે દેશવાસીઓને સરકારી સંપત્તિનું નુકસાન ન કરવા અને સ્વચ્છતા જાળવવા અપીલ કરી.

આતંકવાદ સામે ભારતનો અદમ્ય પ્રહાર...

PM મોદીએ 'ઓપરેશન સિંદૂર'નો ઉલ્લેખ કરતા જણાવ્યું કે, "22 એપ્રિલે આતંકવાદીઓએ ધર્મ પૂછીને આપણી બહેનોની માંગનો સિંદૂર ઉજાળી દીધો હતો. તે ગોળીઓ પહેલગામમાં ચાલી હતી, પરંતુ તે ગોળીઓથી 140 કરોડ દેશવાસીઓનું સીનું છલણી થયું હતું." તેમણે જણાવ્યું કે, આ ઘટના બાદ દેશવાસીઓએ એકજૂટ થઈને આતંકવાદીઓને "માટીમાં ભેળવી દેવાનો" સંકલ્પ લીધો હતો. PM મોદીએ ગર્વભેર કહ્યું કે, દેશની સેનાના શૌર્યથી આ સંકલ્પ પૂરો થયો છે. "અમારી સરકારે ત્રણેય સેનાઓને ખુલ્લી છૂટ આપી દીધી હતી. ત્રણેય સેનાઓએ મળીને એવું ચક્રવ્યૂહ રચ્યું કે પાકિસ્તાનને ઘૂંટણિયે ટેકવવા મજબૂર કરી દીધું." તેમણે ખુલાસો કર્યો કે, 22 તારીખના હુમલાના જવાબમાં ભારતે 22 મિનિટમાં આતંકવાદીઓના 9 સૌથી મોટા ઠેકાણા તબાહ કરી દીધા. PM મોદીએ કહ્યું કે, "દુનિયાએ અને દેશના દુશ્મનોએ પણ જોઈ લીધું કે જ્યારે સિંદૂર બારૂદ બની જાય છે ત્યારે પરિણામ શું આવે છે."

રાજસ્થાનની વીરભૂમિ પરથી શૌર્યનો સંદેશ...

PM મોદીએ યાદ અપાવ્યું કે, 5 વર્ષ પહેલાં જ્યારે બાલાકોટમાં એરસ્ટ્રાઈક થઈ હતી, ત્યારે તેમની પહેલી જનસભા રાજસ્થાન (Rajasthan)માં જ સીમા પર થઈ હતી. તેમણે કહ્યું, "આ વીરભૂમિનું જ આ તપ છે. એવો સંયોગ બની જાય છે." આ વખતે પણ 'ઓપરેશન સિંદૂર' બાદ તેમની પહેલી જનસભા અહીં વીરભૂમિ રાજસ્થાન (Rajasthan)ની સીમા પર બિકાનેરમાં યોજાઈ રહી છે. તેમણે પોતાના શૌર્યપૂર્ણ સંકલ્પને પુનરાવર્તિત કરતા કહ્યું, "મેં કહ્યું હતું સોગંધ મને આ માટીની, હું દેશ નહીં મિટવા દઉં, હું દેશ નહીં ઝુકવા દઉં." PM મોદીએ ભારપૂર્વક કહ્યું કે, "જે સિંદૂર મિટાવવા નીકળ્યા હતા, તેમને માટીમાં ભેળવ્યા છે. તે હિન્દુસ્તાનનું લોહી વહેવડાવતા હતા, આજે કતરે-કતરાનો હિસાબ ચૂકવ્યો છે."

'નવા ભારત'ની આતંકવાદ વિરોધી નીતિ...

PM મોદીએ સ્પષ્ટ કર્યું કે, 'ઓપરેશન સિંદૂર' એ માત્ર આક્રોશ નથી, પરંતુ "સમર્થ ભારતનું રૌદ્ર રૂપ" છે. તેમણે આતંકવાદ સામે લડવાની 'નવા ભારત'ની ત્રણ મુખ્ય નીતિઓ જણાવી.

• કરારો જવાબ : ભારત પર આતંકી હુમલો થશે તો કડક જવાબ મળશે. સમય, રીત અને શરતો આપણી સેનાઓ નક્કી કરશે.

• અણુબોમ્બની ધમકીઓ નિષ્ફળ : એટમ બોમ્બની ગીદડ ભભકીઓથી ભારત ડરવાનું નથી.

• આકાઓ અને સરકારો એકસમાન : આતંકના આકાઓ અને આતંકી સરપરસ્ત સરકારોને અલગ-અલગ જોવામાં નહીં આવે, તેમને એક જ માનવામાં આવશે. પાકિસ્તાનનો સ્ટેટ અને નોન-સ્ટેટ એક્ટરવાળો ખેલ હવે નહીં ચાલે.

આંતરરાષ્ટ્રીય સ્તરે પાકિસ્તાનનો પર્દાફાશ...

PM મોદીએ જણાવ્યું કે, પાકિસ્તાનની પોલ ખોલવા માટે ભારતના 7 અલગ-અલગ પ્રતિનિધિમંડળો વિશ્વભરમાં પહોંચી રહ્યા છે, જેમાં તમામ રાજકીય પક્ષોના લોકો, વિદેશ નીતિના જાણકારો અને ગણમાન્ય નાગરિકો સામેલ છે. તેમણે સ્પષ્ટ કર્યું કે, પાકિસ્તાન ભારત સામે ક્યારેય સીધી લડાઈ જીતી શકતું નથી. "જ્યારે પણ સીધી લડાઈ થાય છે ત્યારે વારંવાર પાકિસ્તાનને મોઢાની ખાવી પડે છે." તેથી, પાકિસ્તાને આતંકવાદને ભારત વિરુદ્ધ લડાઈનું હથિયાર બનાવ્યું છે.

પાકિસ્તાનને ભારી કિંમત ચૂકવવી પડશે...

PM મોદીએ કહ્યું કે, "પાકિસ્તાન આતંક ફેલાવતો હતો, નિર્દોષ લોકોની હત્યાઓ કરતો હતો. ભારતમાં ડરનો માહોલ બનાવતો હતો. પરંતુ પાકિસ્તાન એક વાત ભૂલી ગયું કે હવે માં ભારતીનો સેવક મોદી અહીં સીના તાનકર ઊભો છે. મોદીનું દિમાગ ઠંડું છે, ઠંડું રહે છે, પરંતુ મોદીનું લોહી ગરમ હોય છે. હવે તો મોદીની નસોમાં લોહી નહીં, ગરમ સિંદૂર વહી રહ્યું છે."

તેમણે ચેતવણી આપી કે, "હવે ભારતે સ્પષ્ટ કરી દીધું છે કે દરેક આતંકી હુમલાની પાકિસ્તાનને ભારે કિંમત ચૂકવવી પડશે. આ કિંમત પાકિસ્તાનની સેના ચૂકવશે, પાકિસ્તાનની અર્થવ્યવસ્થા ચૂકવશે." તેમણે ઉદાહરણ આપતા કહ્યું કે, પાકિસ્તાને નાલ એરબેઝને નિશાન બનાવવાનો પ્રયાસ કર્યો હતો, પરંતુ રત્તીભર પણ નુકસાન પહોંચાડી શક્યું નથી. જ્યારે સીમા પાર પાકિસ્તાનનો રહીમયાર ખાન બેઝ આઈસીયુમાં પડ્યો છે, જે ભારતીય સેનાના અચૂક પ્રહારથી તહસ-નહસ થઈ ગયો છે.

પાકિસ્તાન સામે ભારતનું અડગ વલણ...

PM મોદીએ દૃઢતાપૂર્વક કહ્યું કે, "પાકિસ્તાન સાથે ના ટ્રેડ થશે, ના ટોક. જો વાત થશે તો ફક્ત પાકિસ્તાનના કબજાવાળા કાશ્મીર (POK)ની." તેમણે વધુમાં જણાવ્યું કે, "જો પાકિસ્તાને આતંકીઓને એક્સપોર્ટ કરવાનું ચાલુ રાખ્યું તો પાઈ-પાઈ માટે મોહતાજ થવું પડશે. પાકિસ્તાનને ભારતના હકનું પાણી નહીં મળે. ભારતીયોના ખૂનથી રમવું પાકિસ્તાનને મોંઘું પડશે. આ ભારતનો સંકલ્પ છે. દુનિયાની કોઈ તાકાત આપણને આ સંકલ્પથી ડગાવી નહીં શકે." આ સંબોધન દ્વારા PM મોદીએ દેશને સુરક્ષા અને વિકાસના માર્ગે આગળ વધારવાની પોતાની પ્રતિબદ્ધતા સ્પષ્ટ કરી.