મહારાષ્ટ્રના પુણે-નાશિક હાઇવે પર મોટો અકસ્માત, નવ લોકોના મોત

મહારાષ્ટ્ર: મહારાષ્ટ્રમાં ફરી એકવાર મોટો માર્ગ અકસ્માત થયો છે. પુણે-નાસિક હાઇવે પર એક મીની વાન પાર્ક કરેલી બસ સાથે અથડાઈ. આ અકસ્માતમાં નવ લોકોના મોત થયા હતા. આ ઘટના નારાયણગાંવ નજીક બની હતી. માહિતી મળતાં જ, હાઇવે મેન્ટેનન્સ એજન્સીની ટીમ સાથે પોલીસ ઘટનાસ્થળે પહોંચી અને ઘાયલોને નજીકની હોસ્પિટલમાં દાખલ કર્યા, પરંતુ 9 લોકોના મોત થયા.

મહારાષ્ટ્રના મુખ્યમંત્રી દેવેન્દ્ર ફડણવીસે પુણે-નાસિક હાઇવે પર નારાયણગાંવ નજીક થયેલા ભયાનક અકસ્માત પર દુઃખ વ્યક્ત કર્યું છે. ફડણવીસે ટ્વિટર પર લખ્યું કે આ અકસ્માતમાં 9 કામદારોના મોત ખૂબ જ દુર્ભાગ્યપૂર્ણ છે. હું તેમને હૃદયપૂર્વક શ્રદ્ધાંજલિ અર્પણ કરું છું. અમે તેમના પરિવારના દુઃખમાં સહભાગી છીએ. હું ઘાયલોના ઝડપી સ્વસ્થ થવા માટે પ્રાર્થના કરું છું. મુખ્યમંત્રી રાહત ભંડોળ દ્વારા મૃતકોના પરિવારને 5 લાખ રૂપિયાની આર્થિક સહાય આપવામાં આવશે. મેં પુણે પોલીસ અધિક્ષકને ઘાયલોની યોગ્ય કાળજી લેવા જણાવ્યું છે.