Maharashtra : 'જાકો રાખે સૈયાં, માર શકે ના કોઈ', ત્રીજા માળેથી બાળક પટકાયો પરંતુ...

મહારાષ્ટ્ર (Maharashtra)ના ડોમ્બિવલીના દેવીચાપાડા વિસ્તારમાં એક ચમત્કારિક ઘટના જોવા મળી હતી. આ ઘટનાએ સૌને ચોંકાવી દીધા હતા. આ ઘટના સાબિત કરે છે કે 'જાકો રાખે સૈયાં, માર સકે ના કોઈ'. આ ઘટના સાથે જોડાયેલ એક વીડિયો પણ વાયરલ થયો છે.

બે વર્ષનો બાળક ત્રીજા માળેથી પટકાયો...

રવિવારે સવારે બે વર્ષનો બાળક 13 માળની ઇમારતના ત્રીજા માળેથી પડવા લાગ્યો હતો. બિલ્ડિંગમાં રહેતા ભાવેશ મ્હાત્રે નામના યુવકે પોતાના જીવની પરવા કર્યા વિના ભાગીને બાળકનો જીવ બચાવ્યો હતો.

યુવકે બાળકને પકડવાનો પ્રયાસ કર્યો હતો...

જ્યારે બે વર્ષનો બાળક ત્રીજા માળેથી પડી રહ્યો હતો ત્યારે તેણે તેને પકડવાનો પ્રયાસ કર્યો હતો. જોકે, યુવકના હાથમાંથી બાળક સરકી ગયું હતું. આ રીતે તે સીધો જમીન પર પડતાં બચી ગયો હતો અને બાળકને સામાન્ય ઈજા થઈ હતી. આ ઘટના નજીકના CCTV કેમેરામાં કેદ થઈ ગઈ હતી. આટલી ઊંચાઈએથી પડવા છતાં બાળકનો જીવ બચી ગયો તે ભગવાનનો ચમત્કાર કહેવાય.

બાળકને નાની-મોટી ઈજા થઇ...

આ ઘટનાએ ભાવેશની બહાદુરી અને માનવતાનો દાખલો બેસાડ્યો છે. સ્થાનિક લોકોએ તેમની ખૂબ પ્રશંસા કરી. બાળક હાલમાં સુરક્ષિત છે અને તેને નાની ઈજાઓ માટે સારવાર માટે હોસ્પિટલ ખસેડવામાં આવ્યો છે. આ ઘટના દર્શાવે છે કે થોડી જાગૃતિ અને હિંમત કોઈનો જીવ બચાવી શકે છે. સ્થાનિક લોકોએ કહ્યું કે, ભાવેશ મ્હાત્રે જે કર્યું તે ખરેખર વખાણવા લાયક છે. જો ભાવેશે આગળ વધીને બાળકને બચાવ્યો ન હોત તો તેનો જીવ પણ જઈ શકત. તે જ સમયે, આ ઘટના પછી બાળકના પરિવારના સભ્યો પણ ખૂબ આશ્ચર્યચકિત હતા. આ ઘટનાનો વીડિયો જોઈને તે ચોંકી ગયા હતા.