Puri Rath Yatra : રથનો આ મુલ્યવાન ભાગ..જેની હરાજી 50 હજારથી શરુ થાય છે

ભગવાન જગન્નાથની રથયાત્રા 27 જૂનથી ઓડિશાના પુરીમાં શરૂ થશે. ભગવાન જગન્નાથ, બલભદ્ર અને દેવી સુભદ્રાના રથ તૈયાર છે. રથયાત્રા પૂર્ણ થયા પછી તેમની હરાજી કરવામાં આવશે. રથનો એક ભાગ સૌથી મોંઘો છે. 

ઓડિશાના પુરીમાં ભગવાન જગન્નાથ, બલભદ્ર અને સુભદ્રાના રથ તૈયાર છે. રથયાત્રા  27 જૂનથી શરૂ થશે. 58 દિવસમાં તૈયાર થયેલા ત્રણ 45 ફૂટના રથનું નિર્માણ અક્ષય તૃતીયાથી શરૂ થાય છે. રથમાં વપરાતું લાકડું ઓડિશાના જંગલોમાંથી લાવવામાં આવે છે. રથયાત્રાની દરેક પ્રક્રિયા માટે એક ખાસ દિવસ નક્કી કરવામાં આવે છે. ઉદાહરણ તરીકે, લાકડાને પુરીમાં લઈ જવાનું કામ વસંત પંચમી પર કરવામાં આવે છે. તેમને કાપવાનું કામ રામનવમીથી શરૂ થાય છે અને રથ બનાવવાનું કામ અક્ષય તૃતીયાથી શરૂ થાય છે.

200 થી વધુ કારીગરો મળીને રથ બનાવે છે. રથ બનાવવાનું કામ જગન્નાથ મંદિરથી થોડા અંતરે આવેલા ગજપતિ મહેલમાં થાય છે. યાત્રા પૂર્ણ થયાના થોડા દિવસો પછી રથને તોડી પાડવામાં આવે છે. આ કામ એ જ લોકો દ્વારા કરવામાં આવે છે જેઓ રથ બનાવે છે. આ માટે પણ અરજી કરવી પડે છે અને મંદિરની સત્તાવાર વેબસાઇટ પર આપેલી માર્ગદર્શિકાનું પાલન કરવું પડે છે.

રથનો મોટો ભાગ હરાજી થાય છે. તેનો સૌથી મૂલ્યવાન ભાગ રથનું પૈડું છે. જેની શરૂઆતની કિંમત 50,000 રૂપિયા રાખવામાં આવે છે. પૈડુ ખરીદવા માટે સ્પર્ધા થાય છે. કારણ કે, એવું માનવામાં આવે છે કે તેમને ઘરમાં રાખવાથી સુખ અને સમૃદ્ધિ આવે છે. સંકટ દૂર રહે છે. હરાજી પછી, બાકીનું લાકડું મંદિરના રસોડામાં મોકલવામાં આવે છે. આ લાકડાનો ઉપયોગ ભગવાનનો પ્રસાદ રાંધવા માટે બળતણ તરીકે થાય છે.

 પુરી યાત્રામાં 3 રથ છે. પહેલો રથ ભગવાન જગન્નાથનો છે. તેને નંદીઘોષ અથવા ગરુડધ્વજ પણ કહેવામાં આવે છે. તેનું વજન લગભગ 280 થી 300 ટન છે. તેનો રંગ લાલ-પીળો છે. બીજો રથ ભગવાન બલભદ્રનો છે. તેને તાલધ્વજ અને હળધ્વજ પણ કહેવામાં આવે છે. તેનો રંગ લાલ અને લીલો છે. ત્રીજો રથ દેવી સુભદ્રાનો છે. તેને દર્પદલન અને પદ્મધ્વજ પણ કહેવામાં આવે છે. તેનો રંગ લાલ અને કાળો છે.

આ પણ વાંચો--- જાણો આજે પણ કેમ આ સમાધિ આગળ અટકી જાય છે ભગવાનનો રથ?