જયપુર | માતાએ સાવકા પિતા સાથે મળીને ૪ વર્ષની બાળકીની હત્યા કરી

જયપુર | રાજસ્થાનના જયપુરમાં એક ચોંકાવનારો અને હૃદય કંપાવી દેનારો હત્યાનો મામલો સામે આવ્યો છે. એક માતા અને તેના સાવકા પિતાએ મળીને ૪ વર્ષની માસૂમ બાળકીની નિર્મમ હત્યા કરી નાખી. બાળકીને માર માર્યા બાદ ગળું દબાવીને મોતને ઘાટ ઉતારી દેવામાં આવી હતી. બાળકીના મૃતદેહને ઠેકાણે પાડવા માટે હત્યારાઓએ પ્લાસ્ટિકના કોથળામાં નાખીને ૩૦૦ કિલોમીટર દૂર આવેલા બારાં જિલ્લાના તેમના ગામમાં લઈ ગયા હતા.

મૃતદેહ અલમારીમાંથી મળ્યો: આ સમગ્ર ઘટના ત્યારે સામે આવી જ્યારે બારાં જિલ્લાના ભંવરગઢ પોલીસ સ્ટેશન વિસ્તારના જેતપુરા ગામમાં આવેલી આરોપીઓના ઘરમાંથી દુર્ગંધ આવવા લાગી. પોલીસને જાણ થતાં, તેઓએ ઘરમાં રાખેલી લોખંડની અલમારી ખોલી તો તેમાંથી પ્લાસ્ટિકના કટ્ટામાં છુપાવેલો માસૂમ બાળકીનો મૃતદેહ મળી આવ્યો. મૃતદેહમાંથી લોહી પણ નીકળી રહ્યું હતું.

દાદાએ નોંધાવી ફરિયાદ: મૃતક બાળકીના દાદા જયરામ (૬૫) ભંવરગઢમાં રહે છે. તેમણે જયપુરના મુહાના પોલીસ સ્ટેશનમાં પોતાના દીકરા અને વહુ વિરુદ્ધ હત્યાનો ગુનો નોંધાવ્યો છે. પોલીસે જણાવ્યું કે, જયરામના દીકરા મહાવીરનો મુહાના વિસ્તારમાં રહીને મજૂરી કરતો હતો. લગભગ સાત મહિના પહેલા તેણે ટોંક નિવાસી રોશન કુમારી સાથે બીજી લગ્ન કર્યા હતા. રોશન કુમારીને તેના પહેલા પતિ રવિન્દ્રથી ૪ વર્ષની દીકરી ઈશિકા હતી, જે તેમની સાથે જ રહેતી હતી.

આવી રીતે આપ્યો ઘટનાને અંજામ: દાદા જયરામે પોલીસને જણાવ્યું કે, ૩૦ મેના રોજ સાંજે લગભગ ૫ વાગ્યે તેમનો દીકરો મહાવીર પોતાના દીકરા નવીન (મૃતક બાળકીનો સાવકો ભાઈ) સાથે ગામમાં આવ્યો હતો. મહાવીર નશાની હાલતમાં ઘરમાં તોડફોડ કરીને જતો રહ્યો હતો. રાત્રે લગભગ ૧૧ વાગ્યે નવીન ઘરે મળ્યો. સવારે ૮ વાગ્યે જ્યારે તેઓ ઉઠ્યા ત્યારે રૂમમાં રાખેલી અલમારીમાંથી દુર્ગંધ આવી રહી હતી, અને લોહી પણ નીકળતું હતું.

નવીને દાદા જયરામને જણાવ્યું કે, "પરમ દિવસે સાંજે મમ્મી રોશન કુમારી અને પપ્પા મહાવીરે જયપુરના ઘરે ઈશિકા સાથે લાત-ઘુસાથી મારપીટ કરી હતી. પપ્પાએ ઈશિકાનું ગળું દબાવ્યું હતું. સવારે મારા સાથે એક પ્લાસ્ટિકનો કટ્ટો લઈને ગામ આવ્યા હતા."

પોલીસના જણાવ્યા અનુસાર, સાવકા પિતા સાથે મળીને માતા રોશન કુમારીએ ઈશિકાની હત્યા કરી હતી અને તેના મૃતદેહને ઠેકાણે પાડવા માટે જયપુરથી ૩૦૦ કિલોમીટર દૂર બારાંના ભંવરગઢ ગામમાં લઈ આવ્યા હતા. હાલ પોલીસે ગુનો નોંધીને વધુ તપાસ હાથ ધરી છે.