શક્તિશાળી પાસપોર્ટના રેન્કિગમાં ભારત 85માં ક્રમે

વર્ષ 2025 ના પ્રથમ છ મહિના માટે વિશ્વના સૌથી શક્તિશાળી પાસપોર્ટનું રેન્કિંગ બહાર પાડવામાં આવ્યું છે. આ રેન્કિંગ પ્રતિષ્ઠિત સંસ્થા હેનલી એન્ડ પાર્ટનર્સ દ્વારા પ્રકાશિત કરવામાં આવ્યું છે. તમને જણાવી દઈએ કે આ ઇન્ડેક્સ પાસપોર્ટનું રેન્કિંગ તેના આધારે તૈયાર કરે છે કે તે પાસપોર્ટ ધારક કેટલા દેશોની મુલાકાત કોઈપણ વિઝા વિના લઈ શકે છે.

હેનલી પાસપોર્ટ ઇન્ડેક્સ અનુસાર, સિંગાપોરનો પાસપોર્ટ વિશ્વનો સૌથી શક્તિશાળી પાસપોર્ટ છે. સિંગાપોરનો પાસપોર્ટ ધરાવતા લોકો વિશ્વના 195 દેશોમાં વિઝા મુક્ત મુસાફરી કરી શકે છે. 

સિંગાપોર પછી વિશ્વના સૌથી શક્તિશાળી પાસપોર્ટના રેન્કિંગમાં જાપાન બીજા ક્રમે છે. જાપાની પાસપોર્ટ લોકોને 193 દેશોમાં વિઝા ફ્રી મુસાફરી કરવાની મંજૂરી આપે છે. જાપાન પછી, દક્ષિણ કોરિયા, ફ્રાન્સ, જર્મની, ઇટાલી, સ્પેન અને ફિનલેન્ડ સંયુક્ત રીતે ત્રીજા સ્થાને છે. આ દેશોના પાસપોર્ટ 192 દેશોમાં વિઝા-મુક્ત પ્રવેશની મંજૂરી આપે છે.

ઓસ્ટ્રિયા, આયર્લેન્ડ, ડેનમાર્ક, લક્ઝમબર્ગ, નોર્વે, સ્વીડન અને નેધરલેન્ડ્સ પાસે વિશ્વનો ચોથો સૌથી શક્તિશાળી પાસપોર્ટ છે. તેઓ ૧૯૧ દેશોમાં વિઝા ફ્રી એન્ટ્રી આપી શકે છે. તે જ સમયે, ન્યુઝીલેન્ડ, પોર્ટુગલ, સ્વિટ્ઝર્લૅન્ડ, બ્રિટન અને બેલ્જિયમ પાસે પાંચમો સૌથી શક્તિશાળી પાસપોર્ટ છે જેમાં 190 દેશોમાં મફત પ્રવેશ છે.

વિશ્વના સૌથી શક્તિશાળી પાસપોર્ટ ધરાવતા દેશોની યાદીમાં, ભારતના પાડોશી દેશ પાકિસ્તાનનું સ્થાન ખૂબ જ દયનીય છે. પાકિસ્તાનના પાસપોર્ટને ફરી એકવાર સૌથી નબળા પાસપોર્ટમાં સામેલ કરવામાં આવ્યો છે. 33 દેશોમાં મફત વિઝા પ્રવેશ સાથે પાકિસ્તાન 103મા સ્થાને છે. જ્યારે આફ્રિકન દેશો સોમાલિયા, પેલેસ્ટાઇન, નેપાળ અને બાંગ્લાદેશ પાકિસ્તાન કરતા ઉપરના ક્રમે છે. સોમાલિયાનો પાસપોર્ટ 102મા ક્રમે છે.

ભારતનો પાસપોર્ટ રેન્કિંગ પાકિસ્તાનના પાસપોર્ટ રેન્કિંગ કરતા ઘણો સારો છે. વિશ્વભરના દેશોમાં સૌથી શક્તિશાળી પાસપોર્ટના રેન્કિંગમાં ભારત 85મા ક્રમે છે. ભારતીય પાસપોર્ટથી વિશ્વના 57 દેશોમાં વિઝા ફ્રી મુસાફરી શક્ય છે. જોકે, ગયા વર્ષની સરખામણીમાં ભારત 5 ક્રમ નીચે ગયું છે.