'હરિયાણા સરકાર દિલ્હી આવતા પાણીમાં ઝેર ભેળવી રહી છે', કેજરીવાલનો આરોપ, EC એ માંગ્યો જવાબ

આમ આદમી પાર્ટીના સુપ્રીમો અરવિંદ કેજરીવાલે સોમવારે દિલ્હી ચૂંટણી પહેલા મોટો દાવો કરતા ભાજપ પર હરિયાણાથી દિલ્હી આવતા પાણીમાં ઝેર ભેળવવાનો આરોપ લગાવ્યો છે. કેજરીવાલે કહ્યું કે, ત્યાંની ભાજપ સરકાર હરિયાણાથી આવતા યમુનાના પાણીમાં ઝેર ભેળવી રહી છે. ભાજપ પર પ્રહાર કરતા તેમણે એમ પણ કહ્યું કે, "દેશે આવું ગંદું રાજકારણ ક્યારેય જોયું નથી. જો દિલ્હીના લોકો ભાજપને વોટ નથી આપતા તો શું તમે દિલ્હીની જનતાને ઝેરીલું પાણી પીવડાવીને મારી નાખશો?"

કેજરીવાલે હરિયાણા સરકાર પર આરોપ લગાવ્યો...

કેજરીવાલે સમસ્યાને ઓળખવા અને સરહદ પર પાણી રોકવા માટે જળ બોર્ડના એન્જિનિયરોની પ્રશંસા કરી અને કહ્યું કે જો "આ પાણી દિલ્હીમાં આવીને પીવાના પાણીમાં ભળી ગયું હોત, તો દિલ્હીમાં ઘણા લોકો મૃત્યુ પામ્યા હોત - આ એક સામૂહિક કાર્યવાહી છે." આરોપો અંગે વધુ વિગતો આપતા દિલ્હીના પૂર્વ CM એ દાવો કર્યો હતો કે, "આ એક પ્રકારનું ઝેર છે જેને દિલ્હીના વોટર ટ્રીટમેન્ટ પ્લાન્ટ પણ સાફ કરી શકતા નથી. તેના કારણે દિલ્હીનો એક તૃતીયાંશ ભાગ પાણીની તંગીનો સામનો કરી રહ્યો છે." કેજરીવાલે એ પણ ખુલાસો કર્યો કે, "આતિશી અને ભગવંત માને ચૂંટણી પંચને પત્ર લખીને તાત્કાલિક ધોરણે એપોઇન્ટમેન્ટની માંગણી કરી છે. મને આશા છે કે ચૂંટણી પંચ દરમિયાનગીરી કરશે અને દિલ્હીના લોકોને આ દુર્ઘટનામાંથી બચાવશે."

સૈનીએ કેજરીવાલના આરોપોનો જવાબ આપ્યો...

દરમિયાન, હરિયાણાના CM નાયબ સિંહ સૈનીએ આરોપોને નકારી કાઢ્યા અને કેજરીવાલ પર વળતો પ્રહાર કર્યો. તેમણે કહ્યું, "આરોપ કરવો અને પછી ભાગી જવું એ તેમની (અરવિંદ કેજરીવાલ)ની આદત અને વિચાર છે... મેં કહ્યું હતું કે તમે (અરવિંદ કેજરીવાલ) તમારા મુખ્ય સચિવને મોકલ્યા હતા અને હું મારા મુખ્ય સચિવને સોનીપતમાં પાણીની ગુણવત્તા વિશે પૂછીશ. હું તપાસ કરવા કહીશ કે તે (યમુના) દિલ્હીમાં ક્યાંથી પ્રવેશી રહી છે. તે એમોનિયા વિશે વાત કરે છે. તે પાણીની અછતનો દાવો કરે છે - પરંતુ વિતરણ વ્યવસ્થામાં કોઈ સમસ્યા નથી.'' તેણે દોષારોપણ કરવાને બદલે કામ કરવું જોઈએ. દિલ્હીએ તેનું મન બનાવી લીધું છે અને તેઓ તેને પાઠ ભણાવશે.

ચૂંટણી પંચે સૂચના આપી...

ચૂંટણી પંચે સોમવારે પડોશી રાજ્ય હરિયાણામાંથી પૂરા પાડવામાં આવતા પાણીમાં એમોનિયાના સ્તર અંગે દિલ્હીના મુખ્ય પ્રધાન આતિશી અને AAP કન્વીનર કેજરીવાલ દ્વારા કરાયેલા આક્ષેપો પર હરિયાણા પાસેથી તથ્યપૂર્ણ અહેવાલ માંગ્યો હતો. દિલ્હી અને પંજાબના CMO એ સોમવારે પાણીમાં એમોનિયાના સ્તરને લઈને ચૂંટણી પંચ (EC)ને અપીલ કરી હતી. તેમણે આરોપ લગાવ્યો હતો કે હરિયાણાથી રાષ્ટ્રીય રાજધાનીમાં પૂરા પાડવામાં આવતા પાણીમાં એમોનિયાનું ઊંચું સ્તર વિધાનસભા ચૂંટણી પ્રક્રિયા દરમિયાન પાણીના પુરવઠાને પ્રતિકૂળ અસર કરી રહ્યું છે. પંચે હરિયાણાના અધિકારીઓને આવતીકાલે બપોરે 12 વાગ્યા સુધીમાં પરિસ્થિતિનું વિગતવાર વાસ્તવિક મૂલ્યાંકન રજૂ કરવાનો નિર્દેશ આપ્યો હતો.